5 январьыште пӱртӱс нерген возышо кумдан палыме писатель Николай Иванович Сладковын шочмыжлан 100 ий темын. Тудо  кайыкын да янлыкын илышыж нерген возымо 60 утла книгам савыктен. Нине савыктыш-влак моткоч онай да пайдале улыт…

Шарнымаш юбилей вашеш мемнан книгагудышто «Руш чодыран йомакше» лӱман сылнымут пайрем эртен. Тушко 1-ше номеран школын 2-шо классыштыже тунемше-влак толыныт. 

Чыла палаш тыршыше лудшына-влак Николай Сладковын ӧрыктарыше тӱняшкыже миеныт. Ӱдыр-рвезе-шамыч писатель-натуралистын илыш корныж дене палыме лийыныт. Оҥай: автор шкежат курыклашке кӱзен, теҥыз пундашке волен, пич чодырала гоч эртен.

Тунемше-влак тыгодым шкештат пӱртӱс шымлышын рольышкыжо ушненыт: кайык-влакым йӱкышт гоч пален налаш тыршеныт. Тыгак чодыра нерген калыкмут-влакым шарналтеныт, пӱртӱсыштӧ шкем кузе кучымо нерген ойленыт.

Мероприятий мучаште йоча-влак Н.Слдадковын возымо сюжетше почеш шындыме «Мальчик и лягушонок» мультфильмым онченыт.

Тыгак тунемше-шамычлан Николай Иванович Сладковын пӱртӱс нерген книга-влакшым ончалаш темлыме.

.

---