Шӧртньӧ шыже кечын уста марий поэтессе да педагог Зинаида Васильевна Ермакова чапле лӱмгечыжым вашлиеш. Тудын лӱмжӧ кундемнан тӱвыра летописьышкыже пеҥгыдын возалтын. Шуэн вашлиялтше шокшо чонан айдеме да чын Туныктышо кушкын толшо тукымым сылнымут корно дене вӱдаш уло илышыжым пӧлеклен. Зинаида Васильевнан ятыр воспитанникше марий культур дене илышым кылден. Тудын тунемшышт палыме журналист, писатель, ученый, артист лийыныт. «Библиорепортер» проектыште поэтесса марий йоча литератур нерген шонымашыж дене палдарен, тыгак почеламутшо-влакын кузе шочмышт нерген каласкален. Тудын поэзийже пуйто кажныжым шке йоча пагытышкыже пӧртылта. Зинаида Васильевнам лӱмгечыж дене саламлена, тазалыкым да у усталык сеҥымашым тыланена!
«Школ пагыт»
1 Срл 2026
1 сентябрьыште Российыште Шинчымаш Кечым палемдат. Тиде кечын тунемше ден студент-влак у тунемме ийым тӱҥалыт. Книгагудышто ты пайремлан пӧлеклалтше «Школ жап» инсталляцийым почмо. Выставкыште научно-популярный изданий-влак ончыкталтыт, нуно чыла палаш тыршыше рвезе-влаклан тӱрлӧ науко: математике, физике, химий, астрономий, биологий да историй-дене йодыш-влаклан вашмутым пален налаш полшат. «СУПЕР учителя спешат на помощь», «О чем умолчали учебники» сериян книга-влак шонаш да эрудицийыштым тергаш тыршыше-влакын кумылыштым савырат. Выставкыште учебно-методический пособий, справочный изданий-влак посна верым налыт.
Книгагудыш пагален ӱжына!
«Тек эре лиеш кече!»
24 Ага 2026
Йочам аралыме тӱнямбал кече ятыр элыште палемдалтеш. Российыште тудо школ каныш кече тӱҥалтыш дене иквереш шотлан толеш. Молгунамсе семынак книгагудшто тиде кечын йоча-влаклан «Тек эре лиеш кече!» пайрем программа лиеш.
Икшыве-влакым ятыр модыш да тӱрлӧ уым пален налаш полшышо мароприятий вуча. Эн изи-влаклан «Радуга детства», «Это след от Крокомота…» оҥай программа-шамыч, тыгак «Жил на свете добрый жук» экоприключений, «В гости к сказке» сылнымут викторина, «Слово за слово» сылнымут батл, «Занимательное искусство» квест- модыш, «Мир глазами детей» асфальтыш сӱретлыме конкурс да тулеч моло!
Ждем вас в библиотеке!
«Йоча-влакын шинчашт дене — патриотизм Азбуко»
7 Ага 2026
Элнан ик эн шнуй пайремже – Сеҥымаш Кече — лишемеш. Тиде — кугезе-влакын геройлыкышт дене кугешныме кече. 9 Май деч ончыч книгагудышто «Йоча-влакын шинчашт дене патриотизм Азбуко» шкешотан ончерым почмо. Проектын икымше участникше 15-ше №-ан кыдалаш школышто 5-7 класслаште тунемше-влак лийыныт. Рвезе-влак творческий задачылан уло кумылын пижыныт: алфавитын кажне букважлан нуно геройло кредалмаш нерген темым ойыреныт, тудлан ныл корнан почеламутым келыштареныт да иллюстрацийым ыштеныт. Тыге кажне буква посна историйыш савырнен – Кугу Отечественный сарын подвигше гыч Тӱҥалын, таче Шочмо элым аралыше-влакын лӱддымылыкышт марте. Йоча сӱрет да почеламут гоч элын эрыкшым арален кодышо да тудын верч таче кредалше-влакым шарнымаш почылтеш. Тиде инициативын келге историй вожшо уло. 1942 ийыште СССР-ыште «Сеҥымаш Азбука» ышталтын, а Кугу Сеҥымашлан 80 ий темме вашеш Марий Элысе Калык фронтын активистше-влак «СВО Азбукым» ямдыленыт. Тыгай проект-влак у тукымлан ожнысо да кызытсе событий-влакым искусство да мут гоч умылаш полшат. Выставкыште калык фронтын исполкомжым вуйлатыше Валентин Валерьевич Севастьянов, Калык фронтын штаб членже Коптелин Владимир Николаевич , школышто воспитательный паша шотышто советник Владимирова Елизавета Андреевна, тыгак проектын авторжо Капелькина Ольга Григорьевна лийыныт. Уна-влак инициативын кӱлешлыкшым палемденыт. Тиде ончер — тыглай экспозиций огыл, а илыше урок. Эртыше илыш нерген чыным арален кодымаш — мемнан порысна.
Ончерыш книгагудын паша ыштыме жапыштыже толаш лиеш.
Калыкын подвигшым у тукымын шинчаж дене ужнеда гын, толза мемнан деке!
«Сар деч посна тӱняште сай илаш!» XI-ше Республиканский лудмо конкурсым иктешлыме
7 Ага 2026
9 май — Кугу Ачамланде сарыште Сеҥымаш Кече. Тиде событий тӱнямбал историйыште кугу савыртыш тат лийын. Россий калыклан тиде шнуй кече: кажне еш сар годсо трагедийым шарна. Эртыше ий-влак совет еҥ-влакын подвигыштым уш гыч ӱштын огытыл. Кызытсе тукым историйын чынжым арален кодышаш да кугезе-влакын шарнымашыштым пагалышаш. Мемнан книгагудышто лудшо-влакын XI Республикысе «Сар деч посна тӱняште сай илаш!» конкурсышт эртен . Тиде мероприятий пӱтынь республик гыч уста лудшо-влакым чумырен. Участник-влакын пашаштым жюри аклен: поэт, Марий Элысе Т. Евсеев лӱмеш Калыкле тоштерын пашаеҥже, Марий Эл Республикысе Олык Ипай лӱмеш Кугыжаныш молодёжный премийын лауреатше Шурыгин Андрей Владимирович; Марий Эл Республикын сулло, Россий Федерацийын калык артистше Медикова Маргарита Егоровна; Шкетан лӱмеш театрын актрисыже Филиппова Светлана Валерьевна; поэт, Руш сылнымут обществын членже Веселов Алексей Анатольевич; Э.Сапаев лӱмеш опер да балет театрын артистше Давыдов Сергей Александрович; майор, 34096 войсковой частьын батальон командирын алмаштышыже Пикюк Евгений Эдуардович; капитан Дашкин Ильдар Рафикович; поэтесса Кулалаева Жанна Васильевна.
Жюрин пунчалже почеш Конкурсышто сеҥышыш лектыныт:
«Йӧратыме книга-влакын поро тӱняшт»
31 Ӱрн 2026
2 апрельыште Тӱнямбалсе йоча книга кече палемдалтеш. Лач тиде кечын йоча датский писатель, йомакче Ганс Христиан Андерсен шочын.
Тиде событийлан 1-6 класслаште тунемше-влаклан «Йӧратыме книга-влакын поро тӱняшт» сылнымут путешествий пӧлеклалтын. Самырык лудшо-влак ты пайремын историйже да йӱлаж дене палыме лийыт, Марий элысе да йот элласе автор ден эн сай йоча книга-влакын сӱретче-иллюстраторыштын лӱмыштым пален налыт. Участник-влак йӧратыме произведений почеш путешествийыш каят. Тушто нуным творческий заданий, конкурс да викторине-влак вучаш тӱҥалыт.
Книгагудышто — Йоча книга арня!
31 Ӱрн 2026
Книгагудышто Йоча книга арня тӱҥалын. Тудым кумдан палыме йоча писатель, «Когда папа рядом» книган авторжо Ольга Кузнецова дене вашлиймаш почын. Книгам лудаш йӧратыше йоча-влак ача-авашт дене пырля у сборник гыч ойлымаш-влакым колыштыныт, авторлан ятыр йодышым пуэныт да оҥай викториныш ушненыт. Изи участник-влакым пӧлек-шамыч денат куандарышт.
