Марий поэт-новатор, прозаик, журналист, редактор, Марий комсомолын Олык Ипай лӱмеш премийжын икымше лауреатше  Валентин Христофорович Колумбын шочмыжлан 3 майыште 90 ий темеш. Тудын усталык пашаже марий сынымутышто каласен моштыдымо келге кышам коден. Мемнан книгагудо тудын лӱмжым кугешнен нумалеш. Поэтын лӱмгечыж вашеш   «Палыме лийына!» I-ше Республиканский дистанционный лудмо конкурс эртаралтеш.

Конкурс 2025 ий 3 март гыч 3 май марте лиеш.  

Конкурсыш Йошкар-Олаште да Марий Эл Республикыште илыше изи ийготан (6-7 ияш) йоча,  школ, гимназий да лицей гыч тунемше, кыдалаш специальностьым, кӱшыл шинчымашым налше студент-влак ушнен кертыт. 

 Конкурсын номинацийже-влак:

• «Марий йылме дене поэтический произведений»;
• «Руш йылме дене поэтический произведений».

 Сеҥыше-влак тыгай ийгот категорийлаште палемдалтыт:

• дошкольник-влак (6-7 лет)
• 1-4 класс-влак;
• 5-8 класс-влак;
• кугырак класслаште тунемше ден студент-влак.

Конкурсыш ушнашлан 2025 ий 7 апрель марте  Йодмашым  пуыман да тудын пелен выступленийым возыман видеофайлым пижыктыман.  Тудо ончыктымо ссылке почеш почылтшаш, тыгодым регистрацийым, подпискым монь йодшаш огыл.

Лишкырак  Конкурсын Положенийже  дене палыме лияш йодына (обязательно лудман!)

Йодмаш

Тауштыман серышлан Йодмаш

Рашемдашлан телефон: 8 (8362) 34-15-12,

+7 (962) 588-70-67 Джуманова Оксана Викторовна

---