Йолташна-влак! Шичса йӧнанракын, ме тендам самырык возышо марий ӱдыр Кристина Архипова дене вашлиймашке ӱжына.  Тудо йоча-влаклан йомакым воза. Кызыт тыланда  Лентяш да Ворчуш лӱман бардаклюш-влак нерген книгаж дене палыме лияш йӧн уло.  Бардаклюш —  тиде изи гына чонан-влак, кудышт чыла вере арулыкым эскераш йӧратат, поснак кӱсенлаште. Кристина Архипова дене вашлиймаш иктымат шӱлыканым ок кодо, шонена. Писатель дене пырля художник — иллюстратор Д. Мосунова толын. Айста ончалына!

---