В.Х.Колумб лӱмеш Республикысе йоча да самырык-влаклан книгагудышто 27 февральыште да 1 мартыште республикысе кугыжаныш да муниципальный книгагудылаште йоча да самырык-влак дене пашам ыштыше специалист-шамыч погынымашым эртарат. Нуно эртыше 2016 ийыште ыштыме пашаштым иктешлат, ончыклык паша планым пеҥгыдемдат.

27 февральыште  «Книгагудо да самырык тукым: иктешлымаш ден ончыклык паша» лӱман вашлиймаш эрта. Тушто тӱҥ  да поселений кокласе книгагудылаште самырык лудшо-влакым обслуживатлыше пӧлкан пашаеҥышт лийыт.

1 мартыште тӱҥ  да поселений кокласе книгагудылаште йоча-влакым обслуживатлыше пӧлкан вуйлатыше ден специалистше-шамычлан «Книгагудо — йоча лудышын рӱдыжӧ» иктешлыше совещаний лиеш.

Вашлиймашыш толшо-влак тӱҥ показательым кузе шуктен толмышт нерген ойлаш, йоча ден самырык-влакым лудаш кумылаҥдыше тӱрлӧ йон дене пашам ыштыме опытышт дене палдараш тӱҥалыт, 2017 ийыште ыштышаш паша нерген каҥашат.

Мероприятий  10.00 шагатлан тӱҥалеш.

Адресна тыгай:

Йошкар-Ола, Эшкинин ур., 10

телефон  (8362) 34-15-12

e-mail: rdub_mo@mail.ru,

https://vk.com/metodkop

 

---