Шукерте огыл марий писатель Анатолий Иванович Смирновын шочмыжлан 100 ий теме. Тудо мыланна Петрушко нерген возымо произведенийла гоч палыме. 1961 ийыште «Приключения Петрушки» повесть-йомакше икымше гана ош тӱням ужын, кокымшо книгаже   «Друзья растений» маналтеш, 1965 ийыште савыкталтын,  кумшо «Волшебная книга» — 1969 ийыште,  а 1978 ийыште нылымше книга — «И солнце снова в небе». Тӱрлӧ ийлаште нине книга-влак немыч, молдаван, узбек йылмыла дене лектыныт. Тидын нергенак А.С. Пушкин лӱмеш 4-ше номеран гимназийысе 3-шо классыште тунемше-влак пален налыныт. Нунылан «Юзо йомак эл гыч Петрушко» театрализованный представленийым ончыктымо.

Йоча-влак произведенийын геройжо-шамыч дене палыме лийыныт, мультфильм гыч ужашым онченыт, тӱрлӧ модыш дене модыныт, викторинысе йодыш-влаклан вашештеныт. Чылажат пайдале да весела лийын!

---