Россий кугыжанышын историйыштыже ятыр событий лийын. Нунын кокла гыч иктыже  – Бородинский кредалмаш. 210 ий ончыч, 1812 ийысе Отечественный сарыште, полководец М. И. Кутузовын вуйлатыме войскаже  француз император Наполеон Бонапартын армийжым кырен шалатен. Кок шӱдӧ ий — шагал огыл жап. но мемнан кугезына-влакын талын кредалмышт тукым гыч тукымыш аралалт толеш.  

Юбилей вашеш  библиотекыште «Арам огыл шарна Россий…» исторический экскурс лиеш.  Участник-влак руш армийын тушман ваштареш кузе патырлын шогымыж нерген, уста полководц-влак – М.И. Кутузов, П. И. Багратион, М. Б. Барклай-де-Толли, генерал-партизан да поэт Д. Давыдов нерген пален налыт. Руш воин-влакын патырлыкышт, Бородинский кредалмаш, тудын Россий историйыште верже нерген каласкалымаш участник-влакын элна дене кугешныме кумылым лукташ полшат.

Ончылгоч возалташ телефон 34-15-12 

---