XX-шо курым тӱҥалтыш жапыште марий поэт-влак коклаште кугу верым Олык Ипайын лӱмжӧ налеш. Олык Ипайын шочмыжлан 110 ий темме вашеш «Кӱрылтшӧ сем» сылнымут портретым ямдылыме. Марий кугыжаныш университетын студентше-влаклан поэтын илыш да творчествыж нерген каласкалыше мультимедийный презентацийым ончыктымо.

Жап дене тӧр ошкылшо, тӱрлӧ жанрыште тыршыше, почеламут возымаште метрический размерым пуртышо сылнымут мастар ятыр ойлымашым, «Шӧртньӧ ӱжара» драмым возен. Но сталинский репрессийыш логалше Олык Ипайын ӱмыржӧ кӱчык лийын. 1956 ийыште тудын лӱмжым уэш пӧртылтеныт.

 

---