Йылме пеледышым пого,

Тудо вет ӱмырыштет

Шерге дечат шерге пого,

Эн кугу вий кидыштет!

В.Колумб

21 февральыште Тӱнямбалсе шочмо йылме кече вашеш книгагудо пашаеҥ-влак ятыр мероприятийым эртареныт.

2-шо номеран школысо 7 классыште тунемше-влак «Йылме — калыкын чонжо» дискуссий лӱҥгалтышым эртареныт. Тушто нуно тӱнясе йылмыла-влакын проблемышт нерген мутланеныт. Вет ятыр йылме йомын толеш, улшыжат лавыраҥеш да нужнаҥеш. 

Йоча-влак пайремын историйже нергенат пален налыныт, калыкмут, шулдыран ой-влак конкурсышто вийыштым тергеныт, мыскара йодыш-влаклан вашештеныт. Тиде вашлиймаш эше ик гана пеҥгыдемден: шкенан тӱвыра, историйна дене пырля йылмынамат перегаш, тудын яндарлыкше верч тыршаш кӱлеш.

 

---