2022 ий 16 февральыште В.Х.Колумб лӱмеш Республикысе йоча да самырык-влаклан книгагудышто «Книгагудо да самырык-влак: сеҥымаш, проблеме, ончыклык паша» семинар-совещаний эрташ тӱҥалеш.

Марий Эл Республикысе муниципальный книгагудо пашаеҥ-влак 2021 ийысе пашам иктешлат, ончыклык паша радамым рашемдат, шке паша опытышт дене палдарат. 

Профессиональный диалог негызеш регионласе книгагудо-влакын «Тунемше-влаклан тӱвыра» Межведомственный культурно-образовательный проект почеш паша ыштыме йӧнымат ончаш тӱҥалыт. Тудыжо самырык тукымын тӱвыра дек утларак мелын лиймыжым вияҥдыме амал дене шукталтеш.

Санитарно-эпидемиологический ситуацийлан кӧра мероприятий  онлайн-форматысе  ZOOM платформышто лиеш .