29 ноябрьыште В.Х.Колумб лӱмеш йоча да самырык-влаклан  книгагудышто  республик кӱкшытан  «Тиде тошто у ончер» виртуальный книга ончер фестиваль  эртен.  Марий Эл Республикысе муниципальный книгагудын специалистышт-влак эн сай усталык пашаштым темленыт, виртуальный книга ончерым ыштыме опытышт дене палдареныт. Нуным экспертный ушем аклен да ойыртемалтше паша-влакым палемден.

Тиде Фестивальын тӱҥ шонымашыже: йоча да самырык-влак дене пашам ыштыше книгагудо пашаеҥ-шамычын у тукымым шочмо вер  нерген шинчымашыштым келгемдаш полшымыш. Усталык паша-влак кум номинацийыште аклалтыныт: «Тематический книга ончер», «Персональный книга ончер», «Жанран тематический книга ончер».

Экспертный ушемлан аклаш 35 усталык паша пурен. Профессиональный усталыкым ончыкташ Марий Эл Республикысе книгагудын 46 специалистше ушнен. Тиде —  Йошкар-Ола, Волжск олала гыч, Звенигово, Килемар, Куженер, Мари-Турек, Медведево, Морко, У Торъял, Оршанке, Шернур да Советский районла гыч пашаеҥ-влак. Эн сай паша-влакын авторыштлан дипломым кучыктымо, Фестивальын чыла участникше-шамычлан сертификатым пуымо.

 

Место проведения:
ГБУК РМЭ «РДЮБ им. В.Х.Колумба»

Адрес: г. Йошкар-Ола, ул. Эшкинина,

Контакты: е-mail: rdub.kolumb@mari-el.gov.ru

rdub_mo@mail.ru (методический отдел)

Тел.: 8(8362) 34-15-10 (директор)

8(8362) 34-15-12 (отдел обслуживания)

---