Декабрь тылзыште марий поэт Лидия Геннадьевна Иксанова шке лӱмгечыжым палемда. Тудын юбилейже вашеш краеведений пӧлкаште «Муро шулдыран чонем» книжно-иллюстративный ончерым вераҥдыме. Почеламут сборникше-влак дене пырля тудын творчествыж нерген статья ден интервью-влакымат муаш лиеш да талантан автор нерген лишкырак палыме лияш йӧн уло. Лидия Геннадьевна –  «Чылажат – шочмо верын», «Йӧратымем, тылат…», «Шыже блюз» да моло книга-влакынат авторжо. Чоныш логалше лирика, чатка мут ритмика — тыгайрак тудын поэзийже. Йӧратымаш, келшымаш, шочмо вер нерген шонкалымыже лудшо еҥын кумылжым савыра.

Книгагудыш пагален ӱжына! 

---