Йолташ-влак!

Марий Эл Республикын шочмо кечыжлан пӧлеклалтше «Мый йӧратем родной элемым» Регион кокласе II-шо дистанционный лудмо конкурсым иктешлыме. Тений тушко республиксе муниципальный образованийла да Мордва республик  гыч 232 йодмаш пурен. Участник-влак жюри ончык  видеороликыш возыман поэтический произведений-влакым луктыныт. Профессионал-шамыч ойырымо произведенийын темылан келшымыжым, текстым наизусть палымым, чын ойлымым  да сценический культурым шотыш налыныт. Марий поэт, журналист, Марий Эл Республикысе тӱвыран сулло пашаеҥже Зоя Михайловна Дудина, прозаик, журналист, Россий писатель ушем еҥ, «Ончыко» журналын ответственный секретарьже  Эрик Алексеевич Петров да Марий Эл Республикын сулло артисткыже Любовь Николаевна Купсольцева кок номинацийыште паша-влакым акленыт: «Марий йылме дене поэтический произведений», «Руш йылме дене поэтический произведений». Ийгот шотышто кум категорий лийын. Жюри еҥ-влак йоча-шамычын йылме деке кумылан улмыштым палемденыт, шкегыч возышо-влакымат мокталтеныт. Палемдыман, конкурсышто лудаш кумылан-влакын чотышт кажне ийын шукемын толеш.

Конкурсышто 18 йоча сеҥышыш лектын.

Ме кажне участник-влаклан таум ойлена да сеҥыше-влакым саламлена! Посна таум  туныктышо, ава-ача-влаклан каласена.

Ушештарена, чыла участник сертификатым, а сеҥыше-влак дипломым электрон форматыште 2021 ий 30 ноябрь марте  электрон почто дене налеш.

Умбакыжат усталыкым тыланена да уэш вашлиймешке манына! 

*Жюри еҥ-влак паша жапыште 

---