«Эн кугу поянлык  –

икте-весе дене вашмутланымаш»

( Антуан де Сент ­ Экзюпери )

Книгагудышто эртаралтше усталык вашлиймаш-влак ынде поро йӱлаш пуреныт. Тидыже лудшына-влакланат моткоч келша. Шукерте огыл поэт, Россий писатель-влак ушемын еҥже Геннадий  Смирнов дене вашлиймашыш Йошкар-Оласе 9-ше номеран школын 11 классыштыже тунемше-влак толыныт.

Геннадий Николаевичын каласкалымыже кумылым нӧлта, а поэзий талантше кеч-кӧнат шӱм-чонжым тарвата. Вет тудын почеламутлаштыже илышын чынже ончыкталтын.  

Вашлиймашын участникше-влак поэтын илыш да творческий корныж нерген тӱткын колыштыныт. Геннадий Николаевич шке произведенийжылан кузе сюжетым муэш, тудым возаш мо кумылаҥда — каласкалыш. Тыгак тудо ондак савыкталтше книгаже-шамыч нерген ойлыш, а вара «Листоверть» у сборникше гыч икмыняр почеламутым лудо. Г. Смирнов тунемше-влакын йодышыштланат вашештыш, самырык тукымым книга деке утларак мелын лияш тыланыш.

Вашлиймаш чылалан пеш келшен. Геннадий Николаевич ончыклык пашаж денат мемнам палдарыш.

А ме уста поэтлан уло кумылын у кӱкшытыш шуаш тыланена да угыч вес вашлиймашыш вучена!

 

---