Чылалан! Чылалан!! Чылалан!!!

Кажне ийын Тӱнямбалсе йоча книга кече вашеш Россий мучко книгагудылаште Йоча книга арня эрта.
Тений Россий кугыжаныш книгагудо ден Тӱвыра, сымыктыш да просвещений ассоциаций самырык тукымым лудаш кумылаҥдаш манын, «Лудшым куштена» Йоча книга арням 20 гыч 28 март марте палемдаш кутырен келшеныт.
Всероссийский Йоча книга арнян вуйлатышыже — йоча писатель, поэт, сценарист Андрей Алексеевич Усачев. Афишым эскераш йодына!

А кызыт изирак историй — ме тыланда Икымше Йоча книга арня (1943 ий) гыч документальный кинохроникым ончалаш  темлена.