8 февраль – Россий шанче кече. Шанче ончыклыклан корным почеш, йыр улшо пӱртӱсым, сандалыкым шымла. Ломоносов, Павлов, Менделеев, Циолковский, Капица, Курчатов – тиде россий шанчызе-влак кокла гыч изи ужашыже гына, кӧ тӱнямбал наукылан надырым пыштен. Нунын кокла гыч шукынжо Нобелевский премийын лауреатышт улыт.

Периодика секторышто  «Шанче туштым почеш» книжно-иллюстративный ончер почылтын. Тудо Шанче да технологий ийлан пӧлеклалтын. 

Ончерысе книга-влак тӱрлӧ аланыште тыршыше шанче пашаеҥ-шамыч нерген каласкалат. Адакшым техникылан шӱман-влаклан, палыме руш шанчызе-шамычын  пашаштым палаш тыршыше-влаклан тиде ончер оҥай лиеш манын ӱшанена. Книга ден журнал-влак мемнан республикыштына шанче паша нергенат каласкалат.

---