Скульптурын ӧрыктарыше тӱняже шке омсажым 29-ше номеран школын 5 классласе йоча-влаклан почын. Ме чӱчкыдын площадь ден бульварлаште памятник-влакым, парк ден скверлаште фонтан ден статуйым ужына. Но шагалже годым шоналтена, мыняр моштымашым, пӱжвӱдым, йӧратымашым пыштыме тыгай пашалашке. 

 «Кӱэмалтше образ-влак» мультимедийный урок вашлиймашыш толшо-влаклан скульптурын историйже нерген палаш оҥай лийын. Нуно монументальный, садово-парковый, станковый лийыт да кажныже шкешотан улыт. Видеоролик полшымо дене йоча-влак  мраморный да бронзовый скульптурын шочмышт нерген пален налыныт. Оҥай: материаллан металл да кӱ веле огыл, тыгак янда, картон, ий, ошма, силикон,  пластик, эсогыл ушкал ӱй кучылталтыт.

Тунемше-влак, Йошкар-Оласе памятник-влакым шарналтен, «Мемнан олан скульптурыжым палет мо?» лӱман интерактивный викториныште вийыштым тергеныт.

Мучашлан нуно шкештат шинчалан руаш гыч изи шоҥшо-влакым ыштеныт.

 

---