Иван Алексеевич Бунинын творчествыжым кажне у тукым  шканже келшыше шӧрын гыч почеш. И. Бунин шке произведенийлаштыже айдеме тукымым курымла дене шонкалаш таратыше сюжетла дене сымыстарен, тудын почеламутшо, ойлымашыже, повестьше-влак тӱнямбал классиклан шотлалтыт.

21 январьыште  Йошкар-Оласе аграрный колледжын студентше-влак «Мутым сӱретлыше» лӱман сылнымут гостиныйыш чумыргеныт ыле.   Тудо поэт да писатель И. А. Бунинлан пӧлеклалтын. Тунемше-влак икымше руш писатель, Нобелев лӱмеш премий дене палемдалтше Бунинын илыш да творческий корныж дене палыме лийыныт.Самырык-влакым авторын пейзажный да философский лирикыже, прозаический произведенийлаж гыч ужаш-влак куандарен ӧрыктареныт.  Иллюстративный материал да видеофрагментан  мультимедийный презентаций писательын творчествыжым эшеат кумданрак почаш полшен.

---