2 сентябрьыште «Почмо омса кечын» программе негызеш В.П.Катаевын «Шым тӱсан пеледыш» книгаж почеш тыгаяк лӱман сылнымут шагат эртен.

Валентин Петрович Катаевын мунло йомакше-влакым мемнан дене веле огыл, тыгак вес эллаштат изижге-кугужге куанен лудыт. 

Йоча-шамыч авторын ончерыште вераҥдыме книгаже-влак дене палыме лийын кертыныт. Тудын кумдан палыме «Шым тӱсан пеледыш» йомакшым лудшо-шамыч уло кумылын колыштыныт, а вара викторинысе йодыш-влаклан вашмутым кычалыныт. Эн чолга йоча-влак изирак пӧлекым — книга закладкым — налыныт.

---