Сквозь века несёт Онар,
Людям силу духа.
Геннадий Ояр

Кажне ийын 26 апрельыште ме Марий талешке кечым палемдена.

Тиде пайремым палемдыме шонымаш 1917 ийыште Бирскыште икымше марий погынышто шочын. Тудым марий просветитель Павел Петрович Глезденев темлен. Но Марий талешке кечым лач 1990-ше ийыште гына «Марий ушем» мер огранизацийын полшымыж почеш палемдаш тӱҥалыныт.

Шек калыкнан историйжым, тӱвыражым шымлаш да палаш, марий талешке-влакым пагалаш да жаплаш манме шонымаш дене 2018 ий 27 апрельыште мемнан книгагудышко Семеновка селасе 21 номеран шклын 4 классыштыже тунемше-влак толыныт. Нунылан «Календарь лышташым шергалын: Марий талешке кече» мультимедийный презентацийым ончыктымо.

Йоча-влак Марий талешке кечым пайремлыме историй нерген, 16 курым гыч тӱҥалын таче кече марте марий талешке-влакылан шотлалтше патыр-шамыч нерген пален налыныт. Вет нунын лӱмышт йомак, преданий, легендылаште курымлан возалт кодыныт. Тыгак кызытсе талешке-влак нерген мутланеныт.

Сар годым веле огыл, тыныс пагытыштат кажне айдеме талешке лийын кертеш. Патыр радамыш ме тугай еҥ-влакым пуртена, кӧ марий калыкын илышыжым шуарымаште тыршен да тырша. Нунын коклаш академик В.П. Мосолов, композитор И.С.Ключников- Палантай, сылнымутлан негызым пыштыше С.Г.Чавайн, киноактер Йыван Кырля, икымше сӱретче Ал. Григорьев, поэт В.Х.Колумб да ятыр моло еҥ-влакын лӱмыштым шындаш лиеш.

Кӧм талешке манына? Молан тиде пайремым 26 апрельыште палемдат? Кызыт Марий Элыште талешке-влак улыт мо? Нине да моло йодыш-влакланат йоча-шамыч вашмутым налыныт. Мероприятий мучаште блицтурнир лийын.

---