Кумдан палыме поэт да композитор Булат Окуджаван творчествыж дек лудшо-влакын йӧратымашышт ий эртыме семын ок лушкыдем, а пеҥгыдемеш веле. Мыланна утларак да утларак пӧртылмӧ шуэш тудын мурыж ден почеламутлаж деке, вет чонна волгыдылыкым, кӧргӧ  куаным йодеш. Тудын дек йӧратымашын амалже могай? Очыни, чон гыч лекше кумылышто, кажне строкаште чынын улмыжо.  Булат Шалвович Окуджаван келге шонымашан муро-влакшым колышташ, тудын оҥай да шкешотан илыш пӱрымашыж нерген палаш манын, 9-ше номеран школысо 8 «А» классын тунемшышт-влак «Сем дене темена шӱмнам» творческий вашлиймаш-портретым ончаш толыныт ыле. Уна-влак тыгак кинофильм-влак гыч мурым колыштыныт. Тиде — «Мы за ценой не постоим» («Белорусский вокзал» к/ф), «Ваше благородие» («Белое солнце пустыни» к/ф). Просмотрев видеофрагменты музыкальной сказкиА теве «Приключения Буратино» йомакыште Б.Окуджаван мурымыжым колмеке, ӱдыр-рвезе-влак йоча пагытыш пӧртылыныт, очыни.

---