11 декабрьыште «ТТК-се» О-21 группын студентышт-влаклан «Октябрь революций. Жапйогын» лӱман исторический экскурсым ыштыме. Тудо Российысе да пӱтынь тӱнясе историйыште лийше кугу событийлан 100 ий темме лӱмеш эртаралтын. Мероприятий эртыме жапыште лудшо-влак 1917 ийысе Октябрь революцийын лийме амалже, тӱҥ шонымашыже, лозунгшо-шамыч нерген, тунамсе  политический лидер-влакын пашашт нерген пален налыныт. Кызытсе историк-влак тиде событийым тӱрлӧ семын аклат, В.И.Ленин шотыштат тыгак. Уна-влак мультимедийный презентацийым онченыт, тушто 100 ий ожно возымо кинохроника гыч кадр-влакым ужыныт. Студент-влак иктешлымашым ыштеныт: элнан историйыштыже лийше кеч-могай событийымат жапын ойыртемже семын ончыман да аклыман.

 

---