Книгагудышто  «Калык-влакын книга палитрышт» теле лудмаш фестивальым почмаш лийын. Саламлыме мутым Марий Эл Республикысе тӱвыра, печать да калык-влакын пашашт шотышто министрын алмаштышыже Николай Иванович Любимов ден книгагудын директоржо Лидия Геннадьевна Иксанова ойленыт. Тиде кечынак йоча писатель Ольга Валерьевна Кузнецова дене вашлиймаш лийын. Тудо школышто тунемше-влаклан «Когда папа рядом» у книгаж дене палдарен.

Автор книгам ямдылыме усталык пашаж нерген каласкален,  тыгак илыш историй-влак дене пайлалтын. Нунын кокла гыч шукышт произведенийжын сюжетшылан негызым пыштеныт. Ольга Валерьевнан  у ойлымаш сборник гыч ужаш-влак йоҥгалтыч, но поснак рвезе-влакым «ылыжше сӱрет-влак» да авторын открыткылаштыже кочкыш рецепт-влак кумылым савырышт. Йоча-влак творческий заданийлашке чолган ушненыт, эсогыл шке историйыштымат возеныт. Эн чолга-влак шарнымашан сувенирым да шере призым налыныт. Вашлиймашым мучашлымаште Кугу Отечественный сарын участникше Яков Николаевич Заболотских ден 23-шо № — ан кыдалаш общеобразовательный школын кадетше-влак ойленыт. «Падыраш» йоча фольклор ансамбльын  выступленийже чылалан келшен.

---