Книгагудышто Ачамландым аралышын идалыкше дене кылдалтше у фотоончер почылтын. Тудым автор Виктория Соловьева «Сеҥымашын май симфонийже» манын лӱмден да Кугу Отесчественный сарыште сеҥымашын 80 ияш лӱмгечыжлан пӧлеклен.

Фото паша-влак май пайремын шӱлык ден куанжым чоным тарватен ончыктат.  Кугезе коча-влакын портретышт пелен самырык тукымын кугешнымашышт ончышын шинчажлан сай перна. Портретысе ветеран-шамычын волгыдо шинчашт кугу чытымашын кышажым аралат.

Кажне фото – чонын мурыжо, куан ден ойгыжо. Виктория Соловьеван пашаже-влак мыланна талешке-шамыч нерген шарнаш,  нунын героизмыштым пален илаш манме шонымаш дене шочыныт.

 Историй деке лишкырак лияш да калыкнан эртыме корныж дене кугешнаш манын, тендам ончерыш пагален ӱжына!

---