Loading ...
Шерге йолташ-влак!
2025 ийын 7 июль гыч 25 август марте «Культура для школьников» межведомственный культурно-образовательный проект негызеш кажне ийын эртаралтше «Культурная суббота. Краеведение» Всероссийский акций лиеш. Тудо Российысе калык-влакын йӱлаштым, шочмо кундемын историйжым, тӱвыражым пойдарымашке да духовно-нравственный поянлыкым арален кодымашке виктаралтын.
Акцийыш Россий мучко 1 гыч 11 класслаште тунемше йоча-влак ушнен кертыт. Те краеведений да калык тӱвыра аланыште шке шинчымашдам ончыктен кертыда, усталык таҥасымашке ныл номинаций дене ушнаш лиеш:
- «Я — экскурсовод» – шке кундемысе ик але икмыняр тӱвыра поянлык объект нерген каласкалыман видеороликым возыман.
- «Культурные маршруты родного края» – оласе тӱвыра поянлык объект-влак дене шке маршрутын идейжым возен, презентацийым ямдылыман. Маршрут кеч-могай лийын кертеш — йолешке, велосипед, автомобиль да тулеч молат.
- «Я пишу о родном крае» – шочмо кундем нерген сылнымут произведенийым: ойлымашым, очеркым, эссем, сочиненийым, почеламутым-эрыкан формо дене возаш темлалтеш. Произведений-влакын темышт — шочмо кундемын историйже, йӱлаже, тӱвыра памятникше-влак.
- «Традиции моего края» – шке кундемысе калык йӱла нерген ойлымашан видеороликым возыман.
Пашам ик але кок номинацийыш темлаш лиеш (эн шукыжо 3 паша) да йодмашым 7 июль гыч 25 август марте «Культурадляшкольников.РФ» порталысе личный кабинетыште пуаш лиеш.
«Как зарегистрироваться на портале» да «Как отправить заявку» видеоинструкций-влак «Часто задаваемые вопросы» ужашыште улыт.
Иктешлымаш 2025 ий 25 сентябрьыште лиеш. Иктешлыме почеш краеведений, литератур да калык усталык сферылаште тыршыше-влак гыч шогышо эксперт комиссий сеҥыше-влакын 100 эн оҥай пашаштым ойырен налеш, нуно «Культурадляшкольников.РФ» порталыште савыкталтыт.
