5 июньышто Россий мучко Экологын кечыже палемдалтеш.  Цивилизацийын вияҥмыж дене таче пӱртӱсым аралыме йодыш ик эн пӱсын шога. Садлан Мландысе йыр улшо пӱртӱсым кызыт экологический кризис семын ончат.

1–6 класслам обслуживатлыше пӧлемыште  йоча-влаклан «Пӱртӱсым йӧратыме уро» книжно-иллюстративный ончер-темлымашым чумырымо. «Энциклопедия окружающего мира»  серий гыч книга-влак неле экологический процесс-влак нерген проста йылме дене возалтыныт. Красочные  «Тайны природы» да «Природа России» энциклопедий-влак мланде ӱмбалне улшо ӧрыктарыше вер, заповедник нерген каласкалат. Лудшо-влак «Растения России», «Животные России» Йошкар книга-влак дене палыме лийын кертыт.

Оҥай да сылне книга-шамычым лудын, Арктикысе теҥыз гыч тӱҥалын  Кавказ курык марте, Европысо чодыра гыч тӱҥалын  Уссурийский тайга ден Мӱндыр Эрвелысе отро марте йыр улшо пӱртӱсын могай улмыжым палаш лиеш. Жап шуын шоналташ: айдеме пӱртӱс ончылно мутым куча, тудым локтылмо койыш кугу эҥгекыш конда.

Книгагудыш пагален ӱжына! 

---