Марий писатель да поэт Анатолий Иванович Мокеевлан декабрь тылзыште 75 ий темеш. Тудын лӱмжӧ Марий Эыште веле огыл, пошкудо кундемлаштат сайын палыме.

Мутмастарын лӱмгечыж вашеш книгагудышто «Поэзий – эм дене иктак» книга ончерым вераҥдыме. Тушто Анатолий Мокеевын  марий да руш йылмыла дене лекше савыктышше-влакым, антологий, журнал-шамычым ужаш лиеш. Посна шӧрлык тудын илыш да творчествыж нерген каласкалыше литературлан ойырымо.  

Анатолий Мокеев — Россий писатель ушем еҥ, поэт, кусарыше, Шернур район гимнын авторжо. Тудын усталыкше — пӱртӱс гычын. Кӱшыл шинчымашан огыл гынат, райрӱдыштӧ илыше огыл гынат, Анатолий Иванович республикысе поэт-влак коклаште ончыл верыште шога. Тудын возымо пашаже келге шонымаш да йылме яндарлык дене ойыртемалтеш.

Анатолий Мокеев — шке шонымашыжым пеҥгыдемден кертше, виян да тура айдеме. Тудо шомак дене кышкылтше кокла гыч огыл, шочмо верымат уло чон дене йӧратыше еҥ.

---