Друзья!

Уремыште — февраль, тугеже вашке   «Йӧратен пӧлеклыза книгам!» общероссийский акций тӱҥӓлтышым налеш.

2023 ий 7 гыч 14 февраль марте «Лудшым куштена» Тӱвыра, сымыктыш да просвещений деятель-влакын ассоциацийышт Российысе кугыжаныш йоча книгагудын полшымыж дене Тӱнямбалсе книгам пӧлеклыме кече вашеш «Йӧратен пӧлеклыза книгам!» общероссийский акцийым эртара. Тудо 14 февральыште лиеш. 

 Акцийын цельже – книгагудысо шӧрлыкым у книга дене пойдарымаш. Самырык лудшо-влак книгагудышто у савыктыш-шамычым налын лудын кертшаш улыт.

 Акцийын тӱҥ шонымашыже – еҥ-влаклан ушештараш: книга эрелан сай пӧлек лийын кодеш. Тиде пӧлекым чыланат пеш вучат! Мотор, у, оҥай книгам кеч-могай йоча лудаш йӧрата.

В.Х. Колумб лӱмеш Республикысе йоча да самырык-влаклан книгагудышто тиде акцийыш шымше гана ушна. Тыге 1500 экземплярлан мемнан книг шӧрлыкна пойдаратлын. Книга-влакым федеральный савыктыш, благотворительный фонд, Марий книга савыктыш, оласе книга кевыт, тыглай лудшо-влак пӧлекленыт. Тушко теат ушнен кертыда.

«Икшывылан пӧлеклыза куаным! Йӧратен пӧлеклыза книгам!»

* Книга-влакым 1 гыч 28 февраль марте тыгай адрес дене кондаш лиеш: Йошкар-Ола, Эшкинин урем, 10.

Шерге таҥ-влак!

Тений отечественный гражданский авиаций 100 ияш лӱмгечыжым палемда. Йошкар-Оласе аэропортын темлымыж почеш книгагудышто библиотекой был объявлен «Российын шулдыржо» республикысе сӱрет конкурс  увертаралтын.

Конкурсыш 6 гыч 14 ияш 130 йоча-влак ушнен, чылаже 134 паша аклалтын.

Шке пашаштышт йоча-влак тӱрлӧ моделян самолет ден вертолетым сӱретленыт, тале летчик, бортпроводник ден стюардесса-шамыч нерген каласкаленыт, самолет дене чоҥештымышт годсо шижмаш нерген ойленыт да тулеч молат.

Конкурс очно да заочно форматыште лийын.

Таче ме иктешлымашым ытена. 

 Заочный форматыште сеҥышым сайтысе почылтшо йӱклымаш дене ойырымо

Савинова Вера, 6 ий,

 N66-ше номеран «Рябинушка» йочасад

(«Два веселых вертолета» сӱрет)

Очном форматыште паша-влакым жюри аклен, тушко кок категорий пурен: 6-9 ийла да 10-14 ийла.

Паша-влак тыгай критерий-влак дене аклалтыныт: сӱрет конкурсын тематикыжлан шотлан толмыжо, ойырымо техника дене пашам сайын ыштымаш, художественный пашан нелытше, шке ийготлан келшыше кӱкшыт, ончышо-влаклан келшыме могыр.

 Очный форматыште сеҥыше-влак.

 1943 ий 18 январьыште  «Искра» операцийлан кӧра Ленинградский да Волховский фронт-влакын войскашт блокадысе оҥгым кӱрлыныт.

80 ияш лӱмгечылан пӧлеклалтше «Сеҥаш лийдыме Ленинград» чап шагат эртен. Тудо Ленинград блокадыште лийше талешке-влак нерген, неле пагыт годым йоча, ӱдырамаш-влакын сеҥымашым лишемдаш манын тыршымышт нерген каласкален. Блокадым илен лекше-влакын шарнымашышт, дневникышт гоч шуко мом пален налаш лийын. Поэт-влак Ольга Берггольц ден Анна Ахматован почеламутыштат чоныш логалын йоҥгалтыныт.

Тӱшка группылан ончылгоч возалташ телефон 34-15-12.

25 январьыште В.Х.Колумб лӱмеш йоча да самырык-влаклан книгагудышто пашаеҥ-влак йыргешке ӱстелыш чумыргат. Нуно эртыше 2022 ийыште ыштыме пашам да у 2023 ийсе ончыклык планым каҥашаш тӱҥалыт.

Вашмутланымашыште йоча да самырык-влакым книга деке шӱмаҥдыме йодышым, книгагудышто кучылталтше сай проект-влакын иктешлымашыштым, лудшо-влак коклаште кугу акым налше мероприятий-влакым палемдаш тӱҥалыт.

Посна тӱткыш эртыше ийысе событий-влаклан лиеш: Российысе лу ияш йоча пагыт (2018–2027), Россий Федерацийыште лу ияш шанче да технологий (2022–2031), Руш йылмын идалыкше, Педагог да наставник-влакын ийышт.

Могай йоча йомакым ок йӧрате? Шочын вочшо икшывылан ава малтыме мурым мура, йомакым каласкала. Кугу лиймекыже, йоча шкежак йомак-влакым лудаш тӱҥалеш. А нунышт моткоч шуко улыт. Тӱнямбалсе калык йомак-влак негызеш ме «Йомак карусель» сылнымут модышым ямдыленна. Самырык лудшо-влак оҥай йомак-влак дене, нунын геройышт-шамыч дене палыме лийын кертыт.  Мутлан, «Госпожа метелица» немыч йомак телым лумын кушеч лекмыж нерген каласкала, «Шепчущий мост» япон йомак шке лӱмжын секретшым почеш, В. Осееван «Добрая хозяюшка» йомакше йоча-влакым келшаш туныкта. Мероприятийыште ятыр сылнымут конкурс, модыш, тушто вучат. А эше весела кумыл!

Тӱшка погынен толнеда гын,тыгай телефон дене йыҥгыртыза: 34-15 -12.

 Шерге таҥ-влак!

2023 9 февральыште элна Российысе гражданский авиацийлан 100 ийтемме лӱмгечым палемда. Тиде кечын 1923 ийыште юж флотым ыштеныт, тидыже пассажир-влакым, почтым але моло грузым ик вер гыч весыш намиен шуктымо задаче дене кылдалтын. Таче тиде отрасль моткоч вияҥын, ятыр аэропорт, тунемме да шанче тӧнеж-влакымат уша.

Лӱмгече вашеш ме тендам «Российын шулдыржо» республикысе сӱрет конкурсыш ушнаш ӱжына.