СПИД – шучко чер. Тудо тӱнямбалне илыше чыла калыклан лӱдыкшылыкым конда. Тиде чер дечын кажне айдеме шкенжымат, лишыл еҥжымат аралышаш да тудын шарлымыжлан чаракым ыштышаш.

Тений элна мучко СПИД ваштареш кучедалме кече лӱмеш акций эртен да ик арня шуйна. Тидын годым  виш урок ден лекций-влак эртаралтыт, кинофильм-шамыч ончыкталтыт. Эмлымвер ден поликлиниклаште  анониман тестированийым яра эрташ  да специалист-влакын консультацийыштым яра налаш лиеш.

Мемнан книгагудо кажне ийын «Ончыклык — СПИД деч посна» лӱман самырык-влаклан акцийым эртара. Теният тиде кӱлешан мероприятий кугу кӱкшытыштӧ эртыш. Тушко школласе тунемше-влак, кыдалаш да кӱшыл шинчымашым налше студент-шамыч ушненыт. Акцийым эртараш молгунамсе семынак «Астрон» фитнес-клуб полшен.

29 ноябрьыште В.Х.Колумб лӱмеш йоча да самырык-влаклан  книгагудышто  республик кӱкшытан  «Тиде тошто у ончер» виртуальный книга ончер фестиваль  эртен.  Марий Эл Республикысе муниципальный книгагудын специалистышт-влак эн сай усталык пашаштым темленыт, виртуальный книга ончерым ыштыме опытышт дене палдареныт. Нуным экспертный ушем аклен да ойыртемалтше паша-влакым палемден.

Ӱдыр ден рвезе-влак! Тыгак нунын ача-авашт!

У книга-влакым ужмыда шуэш мо ?

 14 гыч 21 ноябрь марте «Йомак пӧлемыште»

изирак ийготан йоча-шамычлан книга кончер почылтын 

Уло кумылын ончалаш ӱжына 

«Вучымо у савыктыш-влакым»!

 Вашкыза — ондак возалташ йӧн ым  ыштыме!

 21 ноябрь гыч книга-влакым лудаш налын кертыда !

 Вучымо книга-влакын икымше лудшышт лияш  тыршыза!

30-шо номеран йочасадын икшывыже-влак швед писательнице Астрид Линдгренын йомак тӱняшкыже миен коштыныт. Нуным Йомак пӧлемыште илыше «Малыш ден Карлсон»  повесть гыч  герой-шамыч вашлийыныт. Ты пайрем модыш да путешествий сынан лийын. Йомакысе герой-влак йоча-шамычлан мультфильмым ончыктеныт да кумдан палыме писательнице нерген ойленыт. 

Шергакан

йоча-влак! 

Книгагудо
У ий кожлан модышым ямдылыме конкурсым 
увертара.

«У  ИЙ  МАСАК»!

Тиде

конкурсышко

ушнен кертыт

3 гыч 12 ияш марте йоча-влак.

Кумда фантазийым кучылтын, 

тӱрлӧ материал гыч ыштыме модышда-влак 

книгагудысо кожым сӧрастараш тӱҥалыт!

Эн оҥай да ойыртемалтше модыш-влакым ыштышылан

П  Ӧ Л Е К!

21-ше шыжан йомак пӧлемыште «Кушеч толын мемнан дек книга» мастер-класс эртен. Тушто Еш да йочалан полышым пуышо рӱдер гыч толшо икшыве-влак лийыныт. Ты мероприятий тазалык дене начар улшо йоча-влаклан «Кунам уло книга, тый шкет отыл» программе почеш эртаралтын.

 2016 ий 27 октябрьыште  В.Х. Колумб лӱмеш Республикысе йоча да самырык-влаклан книгагудышто «Лудаш жап» лӱман самырык тукымын XI-ше лудмашыже эртен. Тиде гана тудын темыже : «Книгагудо-влакын программно-целевой да проектный пашашт».

Марий Эл Республикысе муниципал книгагудо вуйлатыше ден специалист-влак, тыгак Йошкар-Ола тунемме тӧнежласе книгагудо пашаеҥ-влак йоча да самырык тукымым книга дене обслуживатлыме пашам вияҥдымаште шийвундо йодышым каҥашеныт. Марий Эл Республикын тӱвыра, печать да калык-влакын пашашт шотышто министерствын специалистше Г.Г.Чемеков «2013-2020 ийлан Марий Эл Республикын кугыжаныш национальный политикыже» кугыжаныш программе почеш пашам виктарыме нерген каласкален.