«Лудшым куштена» лӱман тӱвыра, сымыктыш да сотемдарымаш ассоциацийын пашаеҥышт-влак йоча-шамычым лудмаш деке кумылаҥдыме амал дене  «Йӧратен пӧлеклыза книгам» акцийым эртара. Тудо Книгам пӧлеклыме кечын, 2017 ий 14 февральыште, лиеш.
 Йӧратен пӧлеклыза книгам!  Книгам пӧлеклыме тӱнямбалсе кече 2017

  2016 ийыште мемнан книгагудышто «Лу эн шокшо» лӱман акций эртен. Тушто лудшо-влак книгагудын фондыштыжо улшо эн чӱчкыдын лудмо сылнымут книгалан рейтингым ышташ полшеныт. Тыге эн сай книга-шамычым ойыраш амал лийын.

Пагалыме лудшына-влак!

Мемнан книгагудына «Библиотекыште классикым лудына»лӱман конкурсышко ушнен. Тудо «Лудшо эл» проект почеш эртаралтеш.  «ДРОФА» — «ВЕНАТА-ГРАФ» савыктыш группын, Российысе кугыжаныш йоча книгагудын да «Первое сентября» Савыктыш Пӧртын иквереш эртарыме конкурсшо лӱмынак йоча книгагудылан да тудын изи лудшыжо-шамычлан ышталтын.

Мемнан книгагудын самырык лудшыжо-влак С.В. Михалковын «А мо тендан?» произведенийжым устан лудыныт. Тиде видеороликым аклымашке луктыныт. Конкурсышто  сеҥыше 3 книгагудым палемдат, нунылан 30 книга гыч  пӧлеклат.

Мемнан видеолан ЙӰКДАМ ПУАШ ЙОДЫНА. Тендан полышланда ӱшанена!

Йӱклаш

 Колобок нерген йомак чылалан палыме. 76-шо номеран йочасадысе «Улыбка» лӱман группо гыч икшыве-влак «Колобок» — у семын йӧнештарыме йомак» постановкышто  лийыныт. Нуно йомакысе герой-шамычым шарналтеныт да артист семын рольымат модын ончыктеныт.

Книгагудо «У ий масак» конкурсым иктешлен. Тушко Йошкар-Олаште да Республикын тӱрлӧ кундемлаште илыше йоча-влак уло кумылын ушненыт. Чылаже 500 наре  шке гыч ыштыме У ий модыш конкурсыш пурен. Модыш-влакым книгагудысо ончерлашке вераҥдыме, кож-влакым сӧрастарыме.

А теве сеҥыше-влакын лӱмышт !

СПИД – шучко чер. Тудо тӱнямбалне илыше чыла калыклан лӱдыкшылыкым конда. Тиде чер дечын кажне айдеме шкенжымат, лишыл еҥжымат аралышаш да тудын шарлымыжлан чаракым ыштышаш.

Тений элна мучко СПИД ваштареш кучедалме кече лӱмеш акций эртен да ик арня шуйна. Тидын годым  виш урок ден лекций-влак эртаралтыт, кинофильм-шамыч ончыкталтыт. Эмлымвер ден поликлиниклаште  анониман тестированийым яра эрташ  да специалист-влакын консультацийыштым яра налаш лиеш.

Мемнан книгагудо кажне ийын «Ончыклык — СПИД деч посна» лӱман самырык-влаклан акцийым эртара. Теният тиде кӱлешан мероприятий кугу кӱкшытыштӧ эртыш. Тушко школласе тунемше-влак, кыдалаш да кӱшыл шинчымашым налше студент-шамыч ушненыт. Акцийым эртараш молгунамсе семынак «Астрон» фитнес-клуб полшен.