Экологий деке тӱткышым кугемдымаш — элын вияҥмаштыже ик эн кӱлешан паша. Самырык тукымым экологий проблеме деке лишемдаш манын, книгагудо Экологий ийыште шке ончыланже ятыр пашам палемден.

Тений граждан сарын чапланыше талешкыже Василий Иванович Чапаевын шочмыжлан 130 ий темын. Тудын чын илышыже ятыр легенде дене варнен.

1 ӱярнян «Книгагудо — йочан лудмо верже»  семинар-совещаний эртен. Тушто Марий Эл Республикысе муниципальный книгагудо-влакын 2016 ийысе пашаштым иктешлыме. Вашмутланымаште йоча книгагудо-влакын, районласе тӱҥ книгагудо пӧлка-влакын паша лектышыштым да пӱсын шогышо йодыш-шамычым каҥашыме. Методист-шамыч Пӱртӱс идалыклан пӧлеклалтше мероприятий-влакым эртарыме годым кучылтмо тӱрлӧ инноваций формым темленыт.

Российысе мотор пӱртӱсым аралымаш — Экологий ийын кӱлешан задачыже. Самырык лудшына-влак йырым-йырысе пӱртӱсым аралаш тунемышт манын, книгагудына тӱрлӧоҥай да кӱлешан программым темла. 15 пургыжышто йомак пӧлемыште изи йоча-шамычлан «Йол, поч да шулдыр» экологий модыш эртен.

Кажне ийын пургыж тылзыште элна мучко Самырык сайлышын арняже палемдалтеш. Марий Элысе ЦИКын пунчалже почеш тений тудо республик мучко 18 гыч 24 февраль марте эрта. Тиде амаллан кӧра мемнан книгагудыштына Политехнический лицей- интернатын 8 классыште тунемшышт дене пырля  «Сайлымаш — самырык-влакын сомылышт»модыш-тренинг эртаралтын. Ӱдыр-рвезе-влак кок тӱшкалан шелалтыныт: « XXI курымын самырык тукымжо» да «СССР» (Союз самых современных ребят), 8 модыш  раундым эртеныт, вӱдышын йодышыжо-влаклан вашештеныт, Конституций правам палымышт нерген сай шинчымашым ончыктеныт.

 2017 ий 15 февральыште  Йошкар-Олаште «Мутын куанже» православный книга ончер-форум почылтын.

Ончерым  Руш Православий Черкын Савыктыш Ушемже ден  Йошкар-Ола да Марий епархий, тыгак  «Православный книга» лӱман Книга савыктыш да ужалыше организаций-влакын ассоциацийышт чумыреныт. Форум Руш Православий Черкыш Патриаршествым уэш пуртымылан 100 ий темме лӱмеш да Православий  книга кечылан пӧлеклалтын.

16 февральыште мемнан книгагудышто семинар эртен. Тушто кугыжаныш да муниципал библиотекылаште книга фондым уэмдыме шотышто проблемым, тыгак черке ден кугыжаныш книгагудо системын пырля пашам ыштыме йодышым каҥашыме.