Пӱртӱс  айдемылан  пиалан лияшыже чыла йӧным ыштен. Пушеҥгым, чевер кечым, яндар вӱдым, ӱян мландым пуэн. Да мемнам — вияным, моторым, тазам, уш-акыланым. Айдеме пиалан лияш шочеш, шоналташ гын, тудын чоныштыжо осал шӱлышлан вер лийшаш огыл. Но южышт шке илышыштым наркотик дене пытарат.

Наркоманий дене кылдалтше преблемылан самырык коклаште «Иктешлыше вашмутым пуэна — наркотиклан «Уке!»агитационный плакат конкурсым увертарыме ыле. Тудо мемнан книгагудыштына 2017 ий 24 апрельыште тӱҥалтышым налын.

 Кызытсе пагытыште  шӱкым утилизоватлымаш кугу экологический проблеме семын ончалтеш. Икмыняр шӱдӧ ий ончыч Английыште мануфактур пеш кумдан шарлен. Кок шӱдӧ ий гыч тыгыде мануфактур-влакым кугу предприятий-шамыч ушеныт, куштыжо машин-влак айдеме вийым алмаштеныт. Тидыже кумда технический прогресслан кугу шӱкалтышым ыштен. Чаманен каласыман, тыгай прогрессын уда могыржат уло. Нунын кокла гыч иктыже — мландым коштыра да шӱк дене амыртымаш.

 Тиде кугу экологический проблемылан «Шӱкым погаш жап!» йыргешке ӱстелым погымо ыле. Тудо книгагудышто 19 октябрьыште лийын.

«Мастар-влакын ярмиҥгашт» лӱман книгагудо студий сылнылыкым йӧратыше-влакым угыч поген. Шкемым сӱретче семын ужаш да теҥыз кӱм сӱретлаш кумылан-влак шукын ыльыч.
Йоча-влак, шканышт келшыше кӱ-влакым ойырен налын, тушко мотор изи пырысым, хамелеоным, лывым, эсогыл изи монстрым уло кумылын сӱретленыт.

11 октябрьыште 76-шо номеран йочасадыш коштшо икшыве-влак мемнан книгагудышкына икымше гана толыныт. Нуно чыла гаяк заллаште лийыныт, кӧ тыгай  В.Колумб — пален налыныт. Йоча-влаклан поснак книгам аралыме пӧлем келшен. Вет тушто моткоч шуко книга аралалтеш. Ӱдыр-рвезе-шамыч  лудмашын кӱлешлыкше нерген, тыгак книгам кузе арун кучымо нерген мутланеныт.

Тиде экскурсий тыглай лийын огыл – йоча-влак тӱрлӧ  конкурс, викторинылаште участвоватленыт, мурым муреныт, йӧратыме мультфильм-влакым онченыт. Нуно умыленыт: книга пелен лияш эре оҥай!

 2017 ий 19 октябрьыште В.Х.Колумб лӱмеш Республикысе йоча да самырык-влаклан книгагудышто экологий проблемылан пӧлеклалтше «Шӱкым погаш жап» йыргешке ӱстел лиеш. Тудо пӱртӱсын чын йолташыже-влакым чумыра.

Шӱк дене кылдалтше проблеме тачысе кечылан неле йодыш гына огыл, а кугу экологический задаче. Тудым решатлаш жапым шуйкалыде пижман. Тачысе саманыште еҥ-влак, ончычсо тукым дене таҥастарымаште, кочкышым ятырлан шукырак кочкыт. Садлан утильсырьен кугытшат палынак кушкеш. Шӱк дене кылдалтше йодыш дене кузе пашам ышташ?

Тиде йодышлан Йошкар-Оласе администраций пелен улшо Экологий да пӱртӱс дене пайдаланыме комитетын вӱдышӧ специалистше Мария Владимировна Лоскутова ден шӱкым посна погымо шотышто движенийын активистше Даниил Сергеевич Петровский вашешташ тӱҥалыт.

Мероприятий 13.30. шагатлан тӱҥалеш.

 Кажне ийын 4 ноябрьыште Марий Эл Республикын шочмо кечыже палемдалтеш. Тиде пайрем вашеш 2017 ий 27 октябрьыште В.Х.Колумб лӱмеш Республикысе йоча да самырык-влаклан книгагудышто «Мый йӧратем родной элемым» лӱман почеламут конкурс лиеш.

Конкурсыш Йошкар-Оласе муниципальный общеобразовательный учрежденийлаште тунемше-влакым пагален ӱжына. 10 шагатлан тӱҥалеш.

Конкурсым эртарыме нерген Положений 

Конкурсыш йодмашым пуымо формо