24 январьыште книгагудо пашаеҥ-влак 2023 ийысе пашам йыргешке ӱстел форматыште иктешленыт. Вашмутланымашыште ыштыме тӱҥ паша-влакым палемдыме, у ийлан паша радамым кузе виктарыме нерген каласкалыме. Пӧлка вуйлатыше-влак тематический программе дене тыршыме нерген, лудшо-влак коклаште йодмаш дене утларак ойыртемалтше паша нерген каласкаленыт.

Книгагудо вуйлатыше Екатерина Аркадьевна Ерпылёва сай паша лектыш дене пашаче коллективым саламлен, ончыкыжымат усталык шӱлыш дене илаш тыланен. Ойыртемалтше пашаеҥ-шамычлан  Марий Эл Республикын тӱвыра, савыктыш да калык паша шотышто министерствын Почетный грамотыжым, тыгак  книгагудын Тауштыман серышыжым кучыктен.  

Шергакан йолташ-влак! «Ийын символжо — 2024» Республиканский конкурс мучашке лишемын. Йоча-влак ава-ачашт дене пырля мастарлыкыштым пыштен, мыланна ятыр пашаштым конденыт. Ийын символжо — дракон-влак — сылне деч сылне лектыныт, нуно тӱрлӧ материал гыч улыт. Йочасад, школла гыч чылаже конкурсыш 213 паша пурен. Жюрилан иктешлымашым ышташ куштылго лийын огыл. Туге гынат сеҥыше-влакын лӱмышт пале лийын.

Кажне ийгот категорийыште кум дипломантым ойыреныт. Тыгак 20 эн сай пашам акленыт, нунышт вес ийыште книгагудо сайтысе  «Выбор зрителя»  йӱклымашыште участвоватлат. Тений жюри «За креативность» специальный призым ешарен.

24 декабрьыште сеҥыше-влакым  «В царстве Снежной королевы» У ий пайремыште саламленыт. Йӱштӧ Кугыза ден Лӱмӱдыр нунылан диплом ден пӧлек-влакым кучыктеныт. А теве конкурсышто сеҥыше-влак! 

Пагалыме йолташ-влак!

Ушештарена, 18 декабрь гыч кажне ийын эртыме регистраций тӱҥалеш. 

Тыланда  паспорт (але ава-ачан паспортышт) ден лудшын билетшым книгагудын икымше пачашыштыже ончыктыман.

У регистрацийын акше – 40 теҥге.

Шуко шочшан, тазалык шотышто эмганыше икшыве, тыгак СВО-што участвоватлышын йочаже-влак регистрацийым яра эртат. Тидланже кӱлеш документым ончыктыман.

10 декабрьыште ме Марий Эл Республикна кугыжаныш пайремым — Марий тиште кечым — кумдан палемдыш.

Именно в этот день в 1775 ийыште тиде кечын Санкт-Петербургышто икымше марий грамматика савыкталтын. Тудо «Сочинения, принадлежащие к грамматике черемисского языка» маналтын.

Марийын тиштыже кугу да неле корным эртен.  Эше акрет жапыштак тӱрлӧ геометрический пале-влакым  — тиштым, тамгам — ешым, ро-тукымым ончыктымо, парымым тӱлымӧ годым кучылтын. Тыгай пале-влак  XX курымын 30-шо ийлаж марте лийыныт.

Йошкар-Оласе 9-ше номеран школышто тунемше-влаклан  «Марий тиштын тӱҥалтышыже» историй урокым эртарыме. Йоча-влак марий тиштын шочмо историйже, икымше марий грамматикыже, тунамсе шанче еҥ-влак нерген мутланеныт. 

Алексей Александрович Александров-Арсак — уста поэт, писатель, журналист. Сылнымут деке школыштак шӱмаҥын, студент пагытыште моштымашыжым утларак шуарен. Тудо марий сылнымутышто критик да публицист семынат палыме, ятыр стаьтя ден очерклаже шуко пӱсӧ йодышым тарвата.

Творчествыштыже шочмо кундем тема рӱдӧ верым налеш. «Роза», «Каче таҥ» книгаже-влакым калык йӧратен лудеш. 1968 ийыште лекше   «Йолгорно» почеламут сборникшылан  поэт-влак В. Исенеков, В. Дмитриев и В. Колумб кӱкшӧ акым пуэныт.

А.А. Александров-Арсак  марий калыкын шарнымашыштыже муро-шамычын авторжо семынат кодеш. Марий сылнымутышто тудо келге кышам коден. Книга ончер уста айдемын шочмыжлан 85 ий темме лӱмеш чумыралтын.

Аван кечыже – сылне пайрем. Тудо мыланна ушештара: кажне айдемын илышыштыже эн тӱҥ айдеме — Ава. Тудо илышлан тӱҥалтышым пуа, шке шокшыж дене, порылыкшо дене авыра. Российыште Аван кечыжым ноябрьын пытартыш рушарнянже палемдена. Тидын лӱмеш книгагудышто «Тӱняште икте тый,авай!» выставка – саламлымашым чумырымо.

Сӱретче-влак авам шке радынаштышт сӱретлат, поэт-шамыч почеламутыштышт моктат, композитор-влак сем гоч каласат. Ончерыште ава нерген муро-шамычым нотный сборник да грампластинкылаште муаш, книга ден журналлаште авалан пӧлекым ышташ инструкцийлам шергалаш лиеш. А эше палыме сӱретче-шамычын аван образшым почын пуышо пашашт дене палыме лияш йӧн уло.

Книгагудыш пагален ӱжына!

Республикын кечыжлан мемнан книгагудышто «Мый йӧратем родной элемым» почеламутым лудмо конкурс эртен. Тушто шке вийым тергаш кажне ийын кумылан-влак ешаралт толыт.

Тений Конкурсыш  тӱрлӧ школ, колледж, техникум да университет гыч шӱдӧ наре тунемше ушнен. Нуно кок номинаций дене таҥасеныт: «Марий йылме дене поэтический произведений» да «Руш йылме дене поэтический произведений». Йоча-влакын усталыкыштым жюри аклен: поэт, Марий Эл Республикысе тӱвыран сулло пашаеҥже А.П. Иванова, Марий Эл Республикын сулло журналистше И.В. Степанова,  Марий Эл Республикын сулло артисткыже С.И. Никитина; прозаик, Марий Эл Республикын сулло журналистше  Л.В. Семенова, поэт, журналист  Х.Г. Александрова,  РФ-н сулло артисткыже, Марий Эл Республикын сулло артисткыже М.Е. Медикова.

Конкурсышто 18 йоча сеҥышыш лектын.

СЕҤЫШЕ-ВЛАКЫМ САЛАМЛЕНА ДА У КӰКШЫТЫМ ТЫЛАНЕНА!

Кугу таум туныктышо ден ава-ача-шамычлан ыштена. хотелось бы выразить педагогам и родителям, «Марий книга савыктыш» Савыктыш пӧртлан книга пӧлек дене полшымыжлан таум каласена.