Exif_JPEG_420

Шошо волгыдо пайрем-влаклан поян. Нунын кокла гыч иктыже — Православный книган  кечыже. Тыгай пайремым эртараш Святейший Патриарх Московский да всея Руси Кирилл 2010 ий 14 мартыште темлен. Руш Православный Черкысе Священный Синоидын  2009 ий 25 декабрь годсо погынымашыштыже книга гоч черке деке лишкырак лияш кӱлмӧ нерген йодышым нӧлталме. Тыге Православий книга кечым  Иван Федоровын «Апостол» икымше печать книгажын савыкталмыж дене(1564 ий 1 март) кылдалтын палемдаш ойым пидме.

Шошо каныш жапыште Россий мучко Йоча книга арня эрта. Тудлан тӱҥалтышым 1943 ий 26 ӱярнян йоча писатель Лев Кассиль ыштен. В.Колумб лӱмеш книгагудышто тений тиде арня «Лудаш, тӱням саемдаш манын» девиз дене эрта.

24 гыч 31 ӱярня марте книгагудышто ятыр оҥай да пайдале  мероприятий-влак лийыт: писатель дене вашлиймаш, оҥай путешествий, сылнымут кас, модыш-квест да тулеч моло.

23 ӱярнян  В.Х.Колумб лӱмеш  Республикысе йоча да самырык-влаклан книгагудышто «Еш да книгагудо: опыт, шонымаш, творчестве» лӱман йыргешке ӱстел лиеш.

Кызытсе жапыште самырык тукымын еш деке мелын лиймыже, самырык ешлан полшымо, ешыште книгам лудмо йодыш пӱсын шога. Книгагудо-влакын пашаштышт ешын кӱлешлыкше нерген мутланымаш, ончаш налме икшыве, тазалык дене ойыртемалтше йоча-шамычлан тӱткылыкым ойырымаш кугу верым налеш.  

Книгагудысо ончер пӧлемыште Маргарита Михайловна Земцован частный коллекцийже гыч фарфор фигур-влак экспозицийже почылтын.

2017 ий – Агытан идалык. Агытанын стихийже  – Тул, тугеже, ийысе латкок тылзе чевер, весела лияш сӧра. Агытан шке мурыж дене эр ӱжарам вашлиеш да у кече нерген увертара.

    Экологий деке тӱткышым кугемдымаш — элын вияҥмаштыже ик эн кӱлешан паша. Самырык тукымым экологий проблеме деке лишемдаш манын, книгагудо Экологий ийыште шке ончыланже ятыр пашам палемден.

Тений граждан сарын чапланыше талешкыже Василий Иванович Чапаевын шочмыжлан 130 ий темын. Тудын чын илышыже ятыр легенде дене варнен.

1 ӱярнян «Книгагудо — йочан лудмо верже»  семинар-совещаний эртен. Тушто Марий Эл Республикысе муниципальный книгагудо-влакын 2016 ийысе пашаштым иктешлыме. Вашмутланымаште йоча книгагудо-влакын, районласе тӱҥ книгагудо пӧлка-влакын паша лектышыштым да пӱсын шогышо йодыш-шамычым каҥашыме. Методист-шамыч Пӱртӱс идалыклан пӧлеклалтше мероприятий-влакым эртарыме годым кучылтмо тӱрлӧ инноваций формым темленыт.