10 майыште мемнан книгагудышто «Сар корно — сеҥымаш корно» сылнымут да сылнысем пайрем эртен. Тушто Торгово-технологический колледжын студентше-влак лийыныт.
«О Юл, нине мут-влак тыйын нергенет!»
Йолташ-влак! Мемнан книгагудына «Ме Юл воктене илена» лӱман регион кокласе экологий марафонышто участвоватла. Тидын негызеш видеороликым ыштенна.
Мыланна You Tube каналыште шке йӱкдам пуэда манын ӱшанена!
Ончылгоч чылалан тау!
Сар ийласе йоча-влак
«Йоча-влаклан сар нерген лудына»
4 майыште В.Х. Колумб лӱмеш Республикысе йоча да самырык-влаклан книгагудышто Йошкар-Оласе Т. И. Александрова лӱмеш 11 номеран лицейын икымше классыште тунемшыж-влак ден Сергей Алексеевын «Солдатская сила» ойлымашыжым лудыныт. Тудо «Йоча-влаклан сар нерген лудына» Тӱнямбал акций негызеш эртен. Йоча-влак Москва верч кредалмаш нерген кумылын колыштыныт.
Могай сай тӱняште сар дечын посна!
Сеҥымаш кече мыланна — поснак шерге пайрем. Ме шучко тушманым сеҥенна, кудыжым иктат сеҥен кертын огыл. Ме палышаш улына, кӧ мыланна сеҥымашым лишемден, шке эрыкшым пуэн. Ветеран-влаклан мланде марте вуйнам савена. Нуно огыл гын, можыч, ты тӱняште ме огынат лий ыле. Тиде кече уло тӱнялан урок семын лийын кодеш. Сар — тиде ойго, тудо мӧҥгеш пӧртылшаш огыл! Мемнан книгагудыштына Сеҥымаш кечылан пӧлеклалтше «Могай сай тӱняште сар дечын посна!» почеламут конкурс эртен. Тушто йочасадыш коштшо да изирак класслаште тунемше-влак шке вийыштым тергеныт. Чылаже 92 йодмаш пурен. Конкурсышто В. Степановын, С. Маршакын, М. Владимовын, А. Усачевын, Л. Тассин, марий поэт В. Колумбын да ятыр молын почеламутыштым йоча-влак уло кумылын каласкаленыт.