Кумдан палыме поэт да композитор Булат Окуджаван творчествыж дек лудшо-влакын йӧратымашышт ий эртыме семын ок лушкыдем, а пеҥгыдемеш веле. Мыланна утларак да утларак пӧртылмӧ шуэш тудын мурыж ден почеламутлаж деке, вет чонна волгыдылыкым, кӧргӧ куаным йодеш. Тудын дек йӧратымашын амалже могай? Очыни, чон гыч лекше кумылышто, кажне строкаште чынын улмыжо.
Сем дене темена шӱмнам
19 Вшр 2018
Библиойӱд — 2018!
18 Вшр 2018
Шерге йолташ-влак!
Ме куанен увертарена: 2018 ий 20 апрельыште мемнан книгагудышто «БИБЛИОЙӰД» Всероссийский культурный акцийыш ушна!
Тиде чынжымак лудмо фестиваль лиеш, вет тенийсе ийын темыже:
Ю виян книга
Книгагудышто — Гагарин урок
17 Вшр 2018
12 апрельыште ме Космонавтика кечым пайремлена. Тӱрлӧ семын да тӱрлӧ йылме дене каласкалат айдемын икымше гана сандалыкыш чоҥештымыжым. Но «спутник» да «Гагарин» мут-влак эрелан рушла йоҥгалташ тӱҥалыт. Кугу пайрем вашеш книгагудышто «Незнайка дене Тылзышке » модыш-путешествий лийын. Тушко 29 номеран школын 3-шо классыштыже тунемше йоча-влак толыныт.
«Колумб лудмаш» II-шо научно–практический конференций
15 Вшр 2018
2018 ий 26 апрельыште книгагудышто «Колумб лудмаш» II-шо научно-практический конференций лиеш.
Мероприятий Республикысе йоча да самырык-влаклан книгагудылан Валентин Христофорович Колумбын лӱмжым пуымылан 30 ий темме лӱмеш эртаралтеш.
Конференцийын пашашкыже ушнаш книгагудо специалист, научный пашаеҥ, тунемме тӧнежысе преподавтель, кугыжаныш структур ден мер организаций пашаеҥ-влакым, тыгак Валентин Христофорович Колумбын творчествыжым пагалыше чыла кумылан-шамычым ӱжына.
Колумб лудмаш научно-практический конференцийыште участвоватлаш заявка
Экономика тӱня — оҥай тӱня
15 Вшр 2018
Мемнан илышна экономике дене моткоч чак кылдалтын. Экономикым тунеммаш мер илышыште лийын шогышо экономика йодышым решатлымаште моткоч кӱлешан. 10 апрельыште книгагудышто Торгово-технологический колледжын студентше-влак Россий Федерацийысе профессионльный образованийын сулло пашаеҥже, ПГТУ-со экономика да финанс кафедрын доцентше, экономика наука кандидат Эмилия Моисеевна Гамова дене вашлийыныт.
Мландын кечыже
15 Вшр 2018
22 апрельыште Тӱнямбалне Мландын кечыже палемдалтеш. Тиде пайрем уло калыкым йырым-йыр улшо пӱртӱсым аралаш ӱжеш. Мемнан книгагудынат ӧрдыжеш огеш код. Самырык тукым йыр улшо мландым шинчасорта семын арален кушшо манын, ме тӱрлӧ йӧным кучылтын, пашам ыштена. 76-шо номеран йочасадыш коштшо икшыве-влак «Пӱртӱсын тушто тӱняже» лӱман Мландылан пӧлеклалтше экологический викториныште вийыштым тергеныт. Вашлиймаш модыш йӧн дене эртен. Йоча-влак пӱртӱс дене кылдалтше ятыр йодышлан чын вашмутым кычалыныт. Викторинын геройышт-влак Куэ, Кутко, Изеҥер, Айболит ден Коля ӱдыр-рвезе-влаклан экологий нерген шуко каласкаленыт, пайдале ой-каҥашым пуэныт.
«Кечын клатше» ончер-кроссворд
11 Вшр 2018
«Кечын клатше» ончер-кроссворд йоча-влакым шочмо пӱртӱсым ончал савырнаш ӱжеш. Тудым Йомак пӧлемыште вераҥдыме. Весела тушто-влак изи лудшо-шамычым янлык, кайык, кушкыл-влак нерген шарналташ таратат. А лудын моштышо йоча-влак шкештак тӱрлӧ тӱсан кагаз гыч чын вашмутым оптен кертыт.
Ончерыште пӱртӱс нерген возышо писатель-влак: М. Пришвинын, И. Соколов-Микитовын, В. Бианкин, Е. Чарушинын, К. Паустовскийын, Б. Житковын, Б. Заходерын, Н. Сладковын, Г. Скребицкийын, Г. Снегиревын да молынат книгаштым вераҥдыме. Кажне ойлымаш але почеламут — тӱрлӧ урын, мераҥын, шоҥшын веле огыл илышышт гыч налме оҥай историй-влак…
«Кечын клатше» ончер-кроссворд — йоча-влакым пӱртӱс нерген палдарыше сай книга-влак веле огыл, тыгак ача-ава-шамычымат тора йоча пагытыш наҥгайыше вер.
Книгагудыш пагален ӱжына!
