Пытартыш жапыште интеллектуал модыш, поснак квиз-влак, самырык-влак коклаште кумдан палыме улыт. 5-6 еҥ участвоватлыме годым нине оҥай командный таҥасымаш йоча-влакым шке шинчымашыштым да моштымашыштым ончыктымашке уша.

2 октябрьыште библиотекыште «Мусора.NET» ЭКОквиз эртен.  Тушто Марий чодыра озанлык техникумышто 2-шо ден 3-шо курсысо студент-влак участвоватленыт. Тунемше-влак вич раундым модыныт: «Кумыт», «Кугу гыч изиракыш», «Лудын пу да вашеште», «А те паледа мо …» да «Капитан-влакын конкурсышт».

 Книгагудышто марий поэтессе, Олык Ипай лӱмеш премийын лауреатше, Марий Эл Республикысе сымыктышын сулло пашаеҥже Альбертина Петровна Иванова (Аптуллина) дене усталык вашлиймаш эртен. Тушко тудын шочмо кундемысе Куженер район  Юледур кыдалаш школын туныктышо ден тунемше-влак, И.С. Палантай лӱмеш калыкле тӱвыра да сымыктыш гимназий гыч студент ден тунемше-шамыч, «Чонволгалтыш» сылнымут клубын еҥышт да поэзийым пагалыше-влак погыненыт. Кок шагат наре шуйнышо пайрем сынан вашлиймаш шижде эртыш. Альбертина Петровнан поэзий тӱня  нерген оҥайын да чон пыштен  каласкалымыже кажне айдемым сылнылыкым лишкырак умылаш кумылаҥда.  

Мо тыгай лышташпӧрдем? Молан шыжым лышташ йога? Молан тудо тӱсшым вашталта? Тиде да моло «шыже» йодышлан вашмутым «Почеламут лышташпӧрдем» шыже пайремын участникше лиймеке пален налаш лиеш.  Ӱдыр-рвезе-влакым Тумна кока вашлиеш да шыже нерген почеламут корныла дене ятыр мом каласкала.  Йоча-шамыч калыкмут ден калык пале-влакым тунемыт, шыже пагыт нерген серыше Галина Новицкаян, Ирина Токмакован, Ирина Пивоварован, Елена Благининан да ятыр моло йоча поэтын творчествыштым пален налыт, нуным тыгак весела конкурс да викторина-влак вучат.

Тӱшка группа дене ончылгоч возалташ йӧн уло

Книгагудыш пагален ӱжына!

Тунемме ийын икымше кечынже молгунамсе семынак книгагудышто Виш омса кече эртен. Ме уло кумылын тошто йолташна-влакым да у лудшына -шамычым пагален вашлийынна. Ятыр оҥай мероприятий, мастер-класс, экскурсий, модыш-влак икшыве-шамычлан кугу куаным конденыт!

V-ше Россий кӱкшытан   «Профессий пазар» – 2024 видеоролик конкурсым иктешлыме.

Писатель, кусарыше, военный журналист Елизар Осипович Янгильдинын шочмыжлан 1 сентябрьыште 110 ий темын. Тудын лӱмгечыж вашеш «Марий мутын кумылзакше» книжно-иллюстративный ончерым вераҥдыме.

Пагалыме йолташ-влак!

2 сентябрь гыч книгагудо теле паша радам денак ышта:

Шочмо — изарня: 9.00 – 18.00,
Кугарня, рушарня — 9.00 – 16.00.

Шуматкече — каныш.

Кажне тылзын 4-ше вӱргече – санитар кече.

Книгам on-line почеш шуяш лиеш (кажне кечын, кеч-могай жапыште) але 34-15-12 телефон дене (паша кечын).