8 сентябрьыште Тӱнямбал грамотлык кече палемдалтеш. Тыгай пайрем икымше гана 1966 ийыште ЮНЕСКО-н темлымыж почеш палемдалтын. Тудын тӱҥ шонымашыже — кызытсе саманыште тӱнямбалне грамотлык деке тӱткышым утларак ойырымаш.

Грамотлык айдемын кӱкшӧ уш-акылан улмыж нерген ойла. А тидланже правилым тунемман, уш-акылым вияҥдыман, сайын тунемман. Кызыт тӱнямбалне 800 миллион наре еҥ лудын-возен ок мошто. Тачысе кече мемнан деч шуко шинчымашым йодеш, а шинчымашым чын ончыктен мошташ лач сай грамотлык кӱлеш, поснак кушкын толшо тукымлан.

Краеведений да периодике пӧлкаште «Шинчымаш кече деч — Лудмаш да грамотлык кече дек» лӱман книга ончер пашам ышта. Тушто руш йылме дене тӱрлӧ мутер ден справочник-влакым, тыгак вес йылмыласе ой-влакым чумырымо мутерым муаш лиеш. Тест полшымо дене лудшо-влак шкеныштын мутвундо поянлыкыштым терген кертыт.

2 сентябрьыште книгагудыштына тыгак кеҥежымсе лудмо марафонышто сеҥыше-влакым палемдыме. «Лудса шкегыч! Лудса мемнан дене пырля!» лӱман марафон 1 июньышто тӱҥал­тышым налын да кеҥеж мучко шуйнен. Теве ынде иктешлымашым ышташ жап шуын. Тыге, 1-ше верыш Зиновьева Полина, 2-шо верыш Арасланов Матвей, а 3-шо верыш Самокаева Марьяна лектыныт. Ме кугу кумыл дене сеҥыше-влакым саламлена, чыла участник да нунын ача-аваштлан тиде оҥай марафоныш ушнымыштлан таум ойлена! Чыла участник сертификат дене палемдалтын, а сеҥыше-влаклан диплом ден шарнымаш пӧлекым кучыктымо.

 2 сентябрьыште «Почмо омса кечын» программе негызеш В.П.Катаевын «Шым тӱсан пеледыш» книгаж почеш тыгаяк лӱман сылнымут шагат эртен.

Валентин Петрович Катаевын мунло йомакше-влакым мемнан дене веле огыл, тыгак вес эллаштат изижге-кугужге куанен лудыт. 

Пагалыме лудшо-влак!

31 август гыч книгагудо телымсе паша графикыш кусна:

Шочмо — изарня: 9.00 – 18.00
Кугарня: 9.00 – 16.00
Шуматкече — каныш
Рушарня: 9.00 – 16.00

Кажне тылзын 4-ше вӱргечыже — санитар кече.

Книгам on-line йӧн дене (кажне кечын, сутка мучко) книгагудын сайтыштыже шуяш але 34-15-12 телефон дене (паша жапыште) йыҥгырташ лиеш.

Книгагудышко пагален ӱжына!

Пагалыме лудшо-влак!

1 июнь гыч книгагудо кеҥежымсе паша графикыш кусна:

Шочмо — кугарня: 9.00 – 18.00
Шуматкече, рушарня: каныш кече

Кажне тылзын 4-ше вӱргечыже — санитар кече.

Книгагудышко пагален ӱжына!

Лӱм-влакынат шке историйышт уло. Нунат шочыт, вашталтыт, йомыт… Марий лӱм-влак денат тыгак. Нуно калыкын историйже, йылмыж дене чак кылдалтыныт. Акрет марий лӱм-шамыч утларакшым еҥ-влакын могай улмыштым, койыш-шоктышыштым ончык­теныт, ешыште але родо-тукымышто ойырте­малтше манын, ава-ача йочажлан ойыртемалтше лӱмымат пуаш тореш лийын огыл. Марий лӱмлаште тыгак янлык, кайык, кушкыл лӱм-влакат вашлиялтыныт. 

Книгагудысо «Vообража­риум» лӱман пӧлемыште йочасадыш коштшо икшыве-влакын «Умничка» модмо клубышт кумшо тургымжо мучашке лишемын. Йоча-влак идалык мучко тиде клубышто модыныт, тунемыныт, усталыкыштым шуареныт. Ынде иктешлымашым ышташат жап шуын. 

«Теҥыз путешествий але кладым кычалмаште» еш пайремышке йоча-влак да нунын ача-аваштым ӱжмӧ. Ава-влак шке ӱдыр-эргышт-шамыч дене капитан Флинт пелен теҥызысе ятыр чарак гоч эртеныт, викторине да конкурслаште участвоватленыт.