Шерге йолташ-влак!

Тендам кажне ийын эртаралтше «Могай сай тӱняште сар дечын посна!» Республиканский лудмо конкурсыш ушнаш ӱжына. Конкурсыш Йошкар-Оласе да Марий Эл Республикысе школышто тунемше, кыдалаш специальностьым да кӱшыл шинчымашым налше студент-влак ушнен кертыт.

Конкурс кум ийгот категорий дене эрта:

• « 1-4 класслаште тунемше-влак»;
• « 5-8 класслаште тунемше-влак»;
• «9-11 класслаште тунемше да кыдалаш специальностьым ден кӱшыл шинчымашым налше студент-влак»

Конкурсышто участвоватлаш манын, 2024 ий 30 апрель марте возалтман.

Пагалыме йолташ-влак!
Ме тыланда эртыше пайрем нерген фотоотчетым темлена!

Толза — оҥай лиеш!

Тений марий поэт-публицист,  прозаик, кусарыше  Пет Першутын (Петр Григорьевич Першуткин) шочмыжлан 115 ий темеш. 1935 – 1937 ийлаште тудо  «Кутко сӱан» йомак-поэмым возен. И. Палантай лӱмеш сымыктыш гимназий гыч тунемше-влак Пет Першутын йомак-поэмыжым йӱкын лудыныт, авторын илыш да творческий корныж дене палыме лийыныт. А эше книгагудын пашаеҥже йоча-влаклан кутко нерген ятыр оҥай уверым каласкален, викториным эртарен, тӱрлӧ модыш дене модыктен. Тунемше-влаклан чылажат моткоч келшен!

14 мартыште книгагудо «Тӱшкаште – вий» телемостышто участвоватлен. Тудо Крым ден Россий ушнымо кечылан пӧлеклалтын. Онлайн-вашлиймашын инициаторжо — Самырык-влаклан Крымский республиканский библиотеке. Участник-влак — В.Х. Колумб лӱмеш Республикысе йоча да самырык-влаклан книгагудо, БУК ВО «Вологодский  областной универсальный шанче книгагудо» пеленсе В. Ф. Тендряков лӱмеш самырык-влаклан библиотечно-информационный рӱдер, А.П. Чехов лӱмеш Благовещенскысе  самырык-влаклан книгагудо, Донецкий республиканский библиотека да Башкортостанысе Стерлитамак ола гыч поэтесса Оксана Тюбеева.
Вашлиймаш годым 2014-ше ийыште лийше исторический событий нерген общественный, патриотический да волонтерский организаций-влакын еҥышт, поэт-шамыч ойленыт. Книгагудо пашаеҥ-влак самырык-шамыч коклаште истрий шарнымашым аралымаш шотышто могай пашам наҥгайымышт нерген каласкаленыт.

Руш писатель, сар прозын мастарже  Юрий Васильевич Бондаревын шочмыжлан 100 ий темын. Тудын йоча годсо пагытше война жапыште эртен. Тусо пагыт шочмо эл верч кредалмаште кугу йомдарымаш дене веле огыл шарнымашеш кодын, тыгак порылык, чынлык, гражданский долг нерген умылымашым вияҥден. Совет калыкын сар деч варасе подвигше, лӱддымылыкшӧ тудын  произведенийлажын негызышт лийыныт. Авторын лӱмгечыжлан «Сар прозын мастарже» книжно-иллюстративный лӱмгече-ончер пӧлеклалтын. Кушкын толшо тукымлан Ю. Бондаревын«Батальоны просят огня», «Горячий снег», «Юность командиров», «Последние залпы», «Берег» произведенийже-влакым темлыме.

Книгагудыш пагален ӱжына!

Тудлан икымше лияш пӱралтын улмаш… 9 мартыште лётчик-космонавт, Совет Союз Герой Юрий Алексеевич Гагаринын шочмыжлан 80 ий темын. 12 апрель 1961 ийыште  тудо айдеме тукымын историйыштыже пеш кугу подвигым ыштен  — икымше гана сандалыкыш чоҥештен. Таче сандалыкыш чоҥештылмаш нигӧмат утыждене ок ӧрыктаре. Туге гынат ме шонена: мыняр уш, вий, усталык кӱлыт космос кумдалыкым авалташ!  «Планетын шӱдыран эргыже» лӱмгече альманах  1961 ийысе событийым шарналташ, икымше космонавтын илыш корныжым уэш шергалаш сай йӧным ышта.

Тӱшка группылан ончылгоч возалтмаш