Вашке мемнан деке эн вучымо да йӧратыме пайремна — У ий — толеш. Тиде пайрем нерген ме шуко палена мо? 76-шо номеран да «Радуга» православный йочасадлаш коштшо икшыве-влак «Чылажат — У ий нерген» мероприятийыш толыныт ыле. Кажне калыкын У ийым вашлийме шке йӱлаже уло. Йоча-влак пален налыныт, кузе, мутлан, Английыште, Францийыште, Германийыште, Норвегийыште да моло эллаштат У ийым пайремлат. Йоча-влак тыгак тӱрлӧ калык модыш дене модыныт. Тыге нуно чонышкышт У ий кумылым пуртеныт да ынде весела пайремым чытен-чытыде вучат. 

10 декабрьыште республикыштына кажне ийын Марий тиште кече палемдалтеш. 1998 ий 18 ноябрьыште Марий Эл Республикым Вуйлатышын кӱштымыж почеш тиде пайрем кугыжаныш статусым налын. 1775 ий 10 декабрьыште Санкт-Петербург оласе кевытлашке «Сочинения, принадлежащие к грамматике черемисского языка» лӱман икымше марий грамматикым ужалаш лукмо. Эше акрет пагытыште марий-влак посна тиште-шамычым — тамгам — кучылтыныт. Кажне ешын але тукымвожын шке тамгаже лийын улмаш. Тудын полшымыж дене марий-влак икте-весыштлан тӱрлӧ уверым пуэныт, тыгак шке парымыштым ончыктен кертыныт да тулеч молат.  Тиде пайрем вашеш мемнан книгагудышто «Тамга гыч книга деке: марий тиштын икымше шарныктыш-влакше»  лӱман  мероприятий эртен. Тушко 29-ше номеран школын 8-ше классыштыже тунемше-влак толыныт.

Калык ойпогышто йомак кугу верым налеш. Тудо тукым гыч тукымыш калыкын эртен толмо корныжым ончыкта. Марий калыкын йомакше-влак ятыр ийла дене шочыныт, садлан икте-весышт деч мо дене гынат ойыртемалтыт. Кажне марий йомак шке кӧргыштыжӧ поро ден осал нерген умлымашым, пашам йӧраташ туныктымашым, илыш-йӱлам арала. Тидын нергенак «Чодыра калыкын йомакше-влак» лӱман занимательный викториныште оласе школлаште изирак класслаште тунемше-влак пален налыныт. Кажне йоча чын вашмутым пуаш тыршен. Йомак дене вашлиймаш икшыве-влаклан ятыр куаным конден да книгагудыш уэш толаш кумылым шочыктен.

Пагалыме йолташ-влак!

Ме тыланда эртыше пайрем нерген фотоотчетым темлена!

Кугу тау  «Fix Price» кевытын «Поро паша» акцийжылан да  ЧУДО «ЛИК» лингвистический школлан .

Эше ик гана Аван пайремже дене саламлена!

19 ноябрьыште мемнан книгагудышто «Илыше классикын» арняже тӱҥалеш. 
Кажне кечын 14.00 гыч 15.00 шагат марте ончер пӧлемыште «Илыше классике» книга выставка воктене чыла кумылан-влаклан консультацийым эртарат, а 22 ноябрьыште  14.30 шагатлан Самырык-влакын всероссийский конкурсыштын презентацийышт лиеш. Презентаций жапыште Конкурс нерген лишкырак пален налаш, фондысо книга-влак дене палыме лияш сай йӧн лектеш. Конкурсын участникше-влакым, тыгак нунын ача-аваштым, туныктышо-влакым уло кумылын толаш йодына.

Книгагудыш пагален ӱжына!

Марий Эл – акрет кундем, тудын поян калык йӱлаже тора курымла гыч аралалт толын. Россий Федерацийын картыштыже мемнан республикна изи верым веле айла гынат, шочмо мландына мыланна нимо деч шерге да лишыл.

Ме шке кундемнам чылан йӧратена. Но Какшанын вӱдшым, ладыра куэрым, йоча годсо кудывечым йӧраташ гына шагал. Шочмо верым йӧраташ — тугеже, тудын нерген шукырак пален налаш тыршымаш. Марий кундемын эртыме корныж ден тачысе илышыж нерген шке шинчымашыштым тергаш да тыгак ум пален налаш Йошкар-Оласе 9-ше номеран кыдалаш школын 9 классыштыже тунемше ӱдыр-рвезе-влак книгагудышкына толыныт ыле. Нунылан «Тиде мландыште илыме шуэш!» лӱман этнографический модышым эртарыме.

Иван Сергеевич Тургенев (1818-1883) — XIX курымын ик эн тале писательже, поэтше, кусарышыже. Тудын келыштарыме сылнымут системыже романын поэтикыжым Российыште веле огыл, тыгак вес эллаштат сайынак вашталтен. Писательын творчествыжлан кӧра  руш йылмыште  «нигилист», «тургеневская девушка» манме умылымаш-влак шочыныт. Тудын сылнымутшым моктенытат, вурсенытат, а  Тургенев шкенжын возымаштыже илыш мучкыжо тугай корным кычалын, кудыжо Российым пиаланым да пеледалтшым ышта.
Писательын юбилейже вашеш ме тыланда книгагудынан фондшо гыч И.С.Тургеневын икмыняр произведенийжым темлена.