Экологий шинчымаш кечылан пӧлеклалтше видеороликым ончаш темлена. «Экологий увер-влак» усталык конкурсышто сеҥыше — Гриша Конаков.
«Колумб: илыш тат-влак»
7 Ага 2020
Валентин Христофорович Колумбын 85 ияш лӱмгечыжлан пӧлеклалтше виртуальный фотоальбомым ончаш темлена. Тудо поэтын илыш да творчествыж нерген каласкала.
«Книга лышташлаште — лийын кертдымаш-влак» аудиойомак
26 Вшр 2020
Шергакан таҥ-влак!
Ме тыланда аудиойомак-влакым колышташ темлена. Нуным Анастасия Луговникова лудын, художник-иллюстратор — Татьяна Цынбусова. Но кажне йомакыште эн шагалже кум йоҥылыш гыч ыштеныт… Нуным муын кертыда? Тӧчен ончыза!
«Лиса и медведь»
«Гуси-лебеди»
«Ёжик в тумане»
«Заяц-хваста»
«Тигренок на подсолнухе»
«Это что за птица»
«Жил-был пёс»
«Есенин VS Колумб» поэзий баттл
26 Вшр 2020
Шергакан йолташ, поэзийым йӧратыше-влак!
2020 ий сылнымут аланыште юбилей-влаклан поян. Шуко дате-шамыч коклаште XX-шо курымысо руш поэт Сергей Есенин шочмыжлан 125 ий да марий поэт-новатор Валентин Колумбын шочмыжлан 85 ийым ме пагален палемдена. Адакшым мемнан книгагудына В.Колумбын лӱмжым кугешнен нумалеш.
Тиде кок лӱм таклан огыл йыгыре шога: Валентин Колумб Сергей Есенинын поэзийже дек чонжо денак лишке лийын да тудын ятыр почеламутшым марий йылмыш устан кусарен.
«Есенин VS Колумб» поэзий баттл – тиде кок кугу поэтын творчествыштым уэш шарналташ сай амал. Тиде веле огыл! Кажне кумылан еҥ сылнымутышто шке вийжым терген кертеш. Тидлан мом ыштыман? Икымше: кусарыме корнылам пален моштыман. Кокымшо: ныл корнан почеламутым чын шуйыман.
Тугеже, ончыко! Пашада ушныжо!
«Шке талешкет нерген каласкале»
21 Вшр 2020
Пагалыме лудшо-влак!
Кугу Сеҥымашын 75 ияш лӱмгечыже лишемеш. Мемнан кажнынан сарын талешкыже уло. Айста нунын нерген каласкалена!
Ме тендам «Шке талешкет нерген каласкале» патриотический акцийыш ушнаш ӱжына.
«Vk» социальный сетьыште улшо мемнан книгагудын официальный группыштыжо лӱмын альбомым вераҥдыме. Тушко те шке талешкыдан фотожым але сӱретшым шынден кертыда, тыгак тудын историйжым возышаш улыда. Шкендан тичмаш лӱмдам ончыкташ ида мондо.
Погымо чыла историйым ик тӱшкаш чумырен, ме видеороликым ыштена да книгагудынан сайтышкыже вераҥдена.
Тек Кугу Сеҥымашын талешкышт нерген шарнымаш мемнан шӱмыштына эрелан кодеш!
