В.Х.Колумб лӱмеш йоча да самырык-влаклан книгагудо элнан тӱрлӧ луклаште илыше коллегына-влакым «Кӱчыкын тӱҥ нерген» сетевой акцийыш ушнаш ӱжеш да кумылан-влакым шке илыш девизышт дене палдараш йодеш. Тудо Книгагудын тӱнямбал кечыжлан пӧлеклалтын.

Кажне айдемын шонымашке наҥгайыше илыш девизше уло. Чӱчкыдынак тидлан ме кумдан палыме писатель-влакын мутыштым але произведений гыч налме ойым кучылтына. 

Андрей Яковлевич Эшпайын шочмыжлан 95 ий темын.
СССР-ын калык артистше, композитор Андрей Яковлевич Эшпай хитыш савырныше  «А снег идет», «Я сказал тебе не все слова», «Мы с тобой два берега» да моло мурыж дене кумдан палыме… Но тиддеч посна тудо симфонийлан, балетлан, опереттылан, хорлан, джазовый пьесылан семым ятыр возен. Адакшым шуко семӱзгар дене шокташлан келыштарен: скрипкылан, фортепианолан, виолончельлан, флейтылан, контрабаслан, гобойлан, саксофонлан, кларнетлан… Эшпайын семже-влак 60 кинофильмыште йоҥгат. Тыгай тӱвыргӧ паша лектыш Андрей Эшпайын кугу кӧргӧ виян, шонымашке шуаш тыршыше лиймыж нерген ойла.  

Шарнымаш да чап ийыште мемнан книгагудына молгунамсе семынак «Могай сай тӱняште сар дечын посна!» Республиканский лудмо конкурсым эртарыш. Тудо икымше гана дистанционный форматыште эртен.

Конкурсышто участвоватлаш 4 ияш гыч тӱҥалын  14 ияш марте йоча-влакым ӱжмӧ. Нунылан Кугу Отечественный сар нерген произведенийым лудын, видеороликым колташ кӱлын. Жюрилан аклаш элнан тӱрлӧ луклаж гыч 539 паша пурен. Тыге республик кӱкшытан конкурсна регион-влак кокласе конкурсыш савырнен.

Сар нерген произведенийым лудмышт годым участник-влак шукынжо чон шижмашыштым моткочак сай почын пуэныт. Тыге самырык лудшо-влак ветеран-шамыч деке пагалымашым, тауштымашым ончыктеныт!

Конкурсым аклыше Жюрийыште лийыныт:

Кажне ийын 12 майыште Российыште да СНГ-н ондаксе эллаштыже Экологий нерген шинчымаш кече палемдалтеш. Тиде пайремын тӱҥ шонымашыже — айдемын илышыштыже йыр улшо пӱртӱс нерген шинчымашым утларак келгемдымаш. Тудым 1991 ий гыч палемдаш тӱҥалыныт. Тиде кечын тӱрлӧ экологический акцийым эртарат, ончер-влакым ямдылат, пӱртӱсым аралыме йодыш дене конференций да йоча конкурс-влакым ыштат, еҥ-шамыч тыгак вӱд серым эрыктат, паркыште пушеҥгым шындат. 

Экологий шинчымаш кечылан пӧлеклалтше видеороликым ончаш темлена. «Экологий увер-влак»  усталык конкурсышто сеҥыше — Гриша Конаков.

Валентин Христофорович Колумбын 85 ияш лӱмгечыжлан пӧлеклалтше виртуальный фотоальбомым ончаш темлена. Тудо поэтын илыш да творчествыж нерген каласкала.

«Марий талешке кече»