Виян лийже мече, ракетке,

Ужар пасу ден кечыйол!

Виян лийже каныш! Виян лий, поход!

Иктат таза спорт деч шеҥгек ынже код!

Кажне айдемын эн кугу поянлыкше — тиде ТАЗАЛЫК! Таза, пеҥгыде да виян лияш СПОРТ полша. Физкультур пайдале, а весела физкультур — кок пачаш. «Таза лий!» — тыге маналтын мемнан книгагудышто эртыше спорт да тазалык пайрем. Пайремын изи участникышт вашла шке вийыштым, писылыкыштым, чулымлыкыштым тергеныт, спорт дене кылдалтше йодыш-влаклан вашмутым кычалыныт, туштым туштеныт.

Тӱрлӧ конкурс-шамычат йоча-влаклан моткоч келшен! Сеҥалтше лийын огыл! Кажне участник шкенжым шке сеҥен, а тидыже эн тӱҥ! 

Шерге йолташна-влак!

Кумылан-влакым «Мый йӧратем родной элемым» V-ше Регион кокласе лудмо конкурсыш ушнаш пагален ӱжына. Тудо  Марий Эл Республикын 100 ияш лӱмгечыжлан пӧлеклалтеш.

Тенийсе неле эпидемиологический обстановкылан кӧра конкурс дистанционный форматыште эрта. Ме тендам Марий кундемлан пӧлеклалтше поэтический произведенийым видеороликыш возен, мемнан увертарыме конкурсышкына колташ йодына. Почеламут-влак рушлат, марлат лийын кертыт.

Конкурс кум тӱрлӧ ийготан категорий дене эрта:

• 1-4 класс-влак;
• 5-8 класс-влак;
• кугырак классла ден студент-влак.

Конкурсын участникше лийын кертыт: общеобразовательный учрежденийлаште тунемше-влак, профессиональный образовательный учреждений ден кӱшыл тунемме  заведенийласе студент-шамыч.

25 октябрь марте йодмаш формым возаш да пашам  тыгай адресан сайтыш колташ: rdub.kolumb@mari-el.gov.ru

Конкурс нерген тичмашрак  Конкурсын пложенийыштыже

 Конкурсышто участвоватлаш книгагудысо сайтыште регистрацийым эртыман.

Пашада ушныжо!

Шӱлыкан шыже кечын поэзийым йӧратыше-влак мемнан книгагудышто поэзий пайремыш погыненыт: тушко поэт, кусарыше, Марий Эл сымыктышын сулло пашаеҥже Альбертина Иванова толын.

Талантан айдеме дене вашлиймашыш Марий Кугыжаныш университетын студентше-влак толыныт ыле. Альбертина Петровнан сылнымутшо чоным тарватыше, кумылым налше. Ӱдыр-рвезе-влаклан чылажат оҥай ыле: икымше почеламут, йоча годсо йӧратыме книга, пагалыме поэт але писатель, савыктыш паша…

Краеведений да периодика пӧлемыште иллюстрироватлыме книга ончер почылтын. Тудо Российын сулло сӱретчыже, МАССР-ын сулло пашаеҥже, А.В.Григорьев лӱмеш кугыжаныш премийын лауреатше  Иван Михайлович Ямбердовын илышыже да творчествыжлан пӧлеклалтын.

Тиде марий сӱретчын радынаже-влак чоным авалтыше, шонаш таратыше улыт. нуно пуйто ала-мом каласен шуктыдымым ойлынешт. Марий тӱням чия полшымо дене почын пуымаште И.Ямбердовын произведенийже-влак кумда философий дене шыҥдаралтыныт. Тудын геройжо-шамыч пӱртӱс дене ойыраш лийдымын кылдалтыныт. 

15 сентябрьыште Агата Мэри Кларисса Маллоуэн (1890-1976) шочын, лудшо-влак тудым Агата Кристи семын палат.
Сылнымут историйыште тиде английский писательнице — эн палыме да кугу акым сулышо детективын авторжо. Тудо 66 детективный романым да 14 ойлымаш сборникым савыктен. Агата Кристин книгаже-влак пӱтынь историйыште ик эн савыкталтше улыт, нуно 100 утла йылме дене лектыныт. Тудын эн палыме  «Десять негритят» романже шӱдӧ миллион утла тираж дене лектын. Британ сылнымутышко кугу надырым пыштымыжлан 1971 ийыште Великобританийын королевыже Агата Кристилан кавалерственная дама чаплӱмым пуэн.

А ынде шоналтыза…

 Тендан дене тугай лийын мо, кудыжо эн шучко омыштат кончен огыл…
Те тошто английский поместьысе тӱкылалтше книгагудышто улмыдам умыленда мо? 
 Те кычкыренда да омсашке тӱкаленда, а детектив сылнымутын озаже  Агата Кристи мӧҥгыштыжӧ уке. Тендан корныда икте гына — омсасе кодан сравочым почаш. А тидланже тыланда темлыме кажне заданийым чын ыштыман.

Квестым тӱҥалаш>

Тений сентябрьыште талантан руш писатель да кусарыше Александр Иванович Купринын шочмыжлан 150 ий темеш. Писательын юбилейже —  тудын произведенийлажым угыч ончал-лудын лекташ сай амал.

Купринын творчество саскаже моткоч кугу да шуко шӧрынан, тудын сылнымут талантше тӱня мучко палыме. Александр Ивановичын произведенийже-влак тачат моткоч йодмашан улыт да эше ятыр ий лудшын чонжым тарваташ тӱҥалыт.

Писательын юбилейжылан книгагудын пашаеҥышт занимательный викториным ямдыленыт. А.И. Купринын илышыж да творчествыж нерген шке шинчымашдам терген налаш да эше ик гана тудын лӱмжым шарналташ йодына.

                                                Молгунамсе семынак сеҥышым пӧлек вуча!

Пашада ушныжо!

Викторине дек куснаш>