Тунемме ийын икымше кечынже молгунамсе семынак книгагудышто Виш омса кече эртен. Ме уло кумылын тошто йолташна-влакым да у лудшына -шамычым пагален вашлийынна. Ятыр оҥай мероприятий, мастер-класс, экскурсий, модыш-влак икшыве-шамычлан кугу куаным конденыт!

V-ше Россий кӱкшытан   «Профессий пазар» – 2024 видеоролик конкурсым иктешлыме.

Писатель, кусарыше, военный журналист Елизар Осипович Янгильдинын шочмыжлан 1 сентябрьыште 110 ий темын. Тудын лӱмгечыж вашеш «Марий мутын кумылзакше» книжно-иллюстративный ончерым вераҥдыме.

Пагалыме йолташ-влак!

2 сентябрь гыч книгагудо теле паша радам денак ышта:

Шочмо — изарня: 9.00 – 18.00,
Кугарня, рушарня — 9.00 – 16.00.

Шуматкече — каныш.

Кажне тылзын 4-ше вӱргече – санитар кече.

Книгам on-line почеш шуяш лиеш (кажне кечын, кеч-могай жапыште) але 34-15-12 телефон дене (паша кечын).

Школыш коштмо корно лӱдыкшӧ ынже лий манын, кажне тунемме ий тӱҥалтыште ава-ача, туныктышо-влак ончылно пӱсӧ йодыш шога. Корно правилым туныктымаш —  икшыве-шамычым корно туткар дечын аралымаш шотышто кугу паша.

Йолташ-влак, корно лӱдыкшыдымылык да тазалык аралыме йодыш дек тӱткӧ лияш йодына.

Кажне ийын 22 августышто Россий кугыжанышын тисте кечыжым палемдат. Тений тиде пайремлан 30 ий теме. Кугыжаныш флаг элын символжылан шотлалтеш, тыгак элнан суверенитетан да тӱрлӧ  национальностян улмыжым ончыкта. Тиде кече вашеш самырык лудшо-влак «Российын чапше кум тӱсан» программе дене палыме лийыныт.  Мероприятий годым ӱдыр-рвезе-влак Россий кугыжаныш флагын шочмо историйже нерген, флагын кум тӱсшӧ мом ончыктымо нерген пален налыныт.  Йоча-влак тыгак «ошо-канде-йошкарге» тушто-шамычлан вашмутым кычалыныт. Мучашлан нуно шкегыч Россий флагым ыштеныт. Вашлиймаш гыч весела кумыл дене каеныт. 

Кеҥеж каныш йоча-влаклан тӱрлӧ семын шуаралташ йӧным пуа, мутлан, иктаж тамле кочкышым ямдылаш жап пеш келшыше. Эр, кечывал, кас кочкыш пайрем сийыш савырнышт манын, ятыр книга полша. Моторын сӧрастарыме книга-влак «Фирменный рецепт» книжно-иллюстративный ончер-хоббиште чумыралтыныт. Кӧ тамлын да писын кочкаш шолташ тунемнеже гын,  «Кулинарная книга Чиполлино» , «Поваренная книга. Библиотечка Винни-Пуха»,  «Детская кулинария»  савыктыш-шамычым шергалын кертеш.

Лудшо-влак коклаште сайын палыме Петсон коча да тудын  Финдус пырысше тендам  когыльым, плюшкым, шӱрым, кисельым, пучымышым, эсогыл кешыр мармеладым ышташ туныктат.  Свен Нурдквистын «Готовим вместе с Петсоном и Финдусом» рецепт книгаже почеш кочкыш ямдылаш пеш куштылго. Александр Тимофеевскийын «Лучший повар — это я» книгаште рецепт-влак почеламут формо дене возалтыныт.