Шергакан лудшо-влак!
Паша жап вашталтме нерген увертарена.

 1 сентябрь гыч книгагудо тыгай график почеш пашам ышташ тӱҥалеш:
Шочмо — изарня: 10.00-17.00
Кугарня, рушарня: 10.00-15.30
Шуматкече – КАНЫШ КЕЧЕ
Кажне тылзын 4-ше кече — санитар кече.

 Книгагудыш пагален ӱжына!

18 август — Руш Географический ушемын кечыже!

Мемнан Марий республикна ужар чодыраж дене, яндар ерлаж дене кугешна. Ерже  регионыштына 700 наре уло.

Таир, Кичиер, Карась, Шап, Сурок, Морской глаз… Нине ерлашке верысе калыкат, турист-влакат кумылын коштыт. Лийме шотышто нуно кум тӱшкалан шелалтыт: карстовый, междюнный, речной.

Ер-влак шке моторлыкышт да яндар вӱдышт дене мемнам куандарат. Ятырышт шке кӧргыштышт легендым ашнат.

Ме тыланда Марий Элысе ерлашке круиз дене миен толаш темлена. Ер нерген те шуко ум пален налыда, вет нунын историйыштат пеш оҥай.

Круизым  тӱҥалаш>

Ий еда, сорла тылзын кокымшо шуматкечынже, Йошкар-Олан кечыже палемдалтеш. Тиде пайрем олаште илыше да тыгак уна-влаклан ятыр куаным конда! Парк ден скверлаште, тӱвыра пӧртла ден тоштерлаште пайрем концерт, пазар, спорт ӱчашымаш, тӱрлӧ конкурс, поэзий лудмаш, мастер-класс-влак эртаралтыт.

Мемнан книгагудынат ӧрдыжеш ок код: йӧратыме олалан пӧлеклалтше «Изи ола — кугу историй» онлайн-модышым темла. Модыш-викторина форматыште участник-влак ола мучко  интерактивный экскурсийым эртат. Тудо олан историйже гыч оҥай факт-влакым палаш полша, уремла дене эртыме корным пайдалыракым ышта.

Модышыш ушнаш регистрацийым эртыман огыл, ийгот категорий — 12+.

Модышыш вончаш>

Кагаз гыч ыштыме  «Пеледше лотос» мастер-класс

Кеҥеж – сылне да вучымо пагыт! Тудо мыланна эреак шке шокшыжым, весела кумылжым пӧлекла, пӱртӱсыш лекташ ӱжеш.

Чыла кумылан-влакым ме «Объективыште — КЕҤЕЖ» фотоконкурсыш ушнаш ӱжына! Кеҥеж канышдан кузе эртымыж нерген мемнамат палдарыза: пеледыш коклаште ма але теҥыз воктене, сылне ӱжара годым але корнышто. Ала тендам йӱр деч варасе шонанпыл але шудо кокласе шоҥшо сымыстарен? Тӱҥжӧ — тендан пашаштыда кеҥеж куан шижалтше!

Конкурс номинаций-влак:

— «Ӧрышан — корнан-корнан» (ир да мӧҥгысӧ янлык дене пырля оҥай фотографий);

— «Пӱртӱсын ӧрыктарыше тӱняже» (чодыра, пеледыш, поҥго але саска аланым ончыктышо фотографий);

— «Кеҥеж кечын каныш годым» (тендан йӧратыме пашада нерген фотографий).