«Кажне айдемын шке шӱдыржӧ».

Антуан де Сент-Экзюпери

Антуан Мари Жан-Батист Роже виконт де Сент-Экзюпери (1900-1944) — француз писатель, поэт, кум сылнымут премий ден палемдалтше да профессиональный лётчик. Тудо чынжымак романтик да пеш поро айдеме лийын. Еҥ-влак икте-весыштым колышт моштышт, шке шӱмыштлан ӱшанышт, йоча годсо пагыт денат вашке ынышт чеверласе манын шонен. Лач тидын нерген Антуан де Сент-Экзюпери  «Маленький принц» книгам возен. Кокымшо тӱнямбал сарышкат  тудо  пуйто вес планетылашке Изи принц семын каен  – вет раш умылен, мӧҥгеш корно ок лий… Майор де Сент-Экзюперин пытартыш гана чоҥештымашыже 1944 ийыште кӱрылтын. Камвочшо самолетын ужашыже-влакым мумо огыл. Садланак мотор легенде шочын: пуйто писатель-летчик кандале сандалыкыш шӱдыр-влак деке каен, лач тудын Изи принцше семынак. 

Марий Эл – акрет кундем. Ме шкенан тӱвыра да историйна дене чынжымак кугешнена, тоштым арален, ончыклыкым ыштена.

Тений мемнан республикына 100 ияш лӱмгечыжым палемда. Тиде юбилей вашеш книгагудо пашаеҥ-влак «Кугешнем Марий Элем дене» модыш-викториным  ямдыленыт. Шке элым йӧраташ — тугеже шке историйым, тӱвырам, сылнымутым палаш.

Шочмо кундем нерген шке шинчымашдам тергынеда? Тугеже ме тендам модыш-викториныш ушнаш ӱжына! Тидланже регистрацийымат эртыме огеш кӱл. Ийгот категорий 12+

Модыш дек куснаш >

Мемнан книгагудышто поэзий пайрем  эртен. Тудын унаже —  поэт, журналист, мурызо Алёна Яковлева лийын. Сылнымутым йӧратыше-влаклан автор  «Ончалтыш»  икымше поэтический книгажым аклаш луктын.

А.Яковлева (Моисеева Елена Юрьевна) – В.А. Абукаев-Эмгакын «Ший памаш» сылнымут фондын, С.Н. Эсаулова лӱмеш «Светлана» сылнымут премийын лауреатше. Авторын почеламутшо-влакым республикысе периодический савыктышлаште, коллективный поэтический сборниклаште лудаш лиеш. Алена чонын куан ден ойгыжым, чыла шижын жа ужын моштымыжым келге философий негызеш почеш.

Вашлиймашышке Марий кугыжаныш университетын студентше-влак, йолташыж ден пашам пырля ыштыше коллегыже-шамыч, тудын талантшым аклыше-влак толыныт ыле. Аленан аваже Маргарита Петровна Яковлева, икымше туныктышыжо Людмила Ивановна Алексеева поро тыланымашан мутым ойлышт. Поэтессын творчествыжым поэт да кусарыше Г.П. Пирогов, З.М. Дудина,  «Ончыко» журналын тӱҥ редакторжо И.Г. Попов, «Кугарня» газетын тӱҥ редакторжо Э.А. Иманаев кӱкшын аклышт. А.Яковлева шке возымо мурыжым йоҥгалтарыш, почеламутымат лудо. Тиде вашлиймаш моткоч волгыдо шӱлыш дене эртыш, кажнын кумылжым ырыктыш.

Ме уло чонна дене поэтессылан эшеат кугу сылнымут кӱкшытым тыланена!

Родо-тукым финн-угор калык-влакын кечыштлан пӧлеклалтше виртуальный рандеву

Тиде поэт кумдан палыме веле огыл, тудо эше моткочак йӧратыме. Калыкле гений Сергей Александрович Есенин шуэн вашлиялтше кугу талантан , калык чоным пален да умылен моштышо возышо лийын. Есенинын сылнымут погыжо кугужак огыл, но жанр шот дене поян: лирический почеламут-влак, поэме, ойлымаш, повесть, критический статья. Кажне жанрыште тудо шкенжым ойыртемалтше сӱретче семын ончыктен. Поэт-лирик Сергей Александрович Есенинын шочмыжлан 125 ий темме лӱмеш книгагудышто «Мыйын чонышко шӱлык пурен …» книжно-иллюстративный ончер почылтын.

Виян лийже мече, ракетке,

Ужар пасу ден кечыйол!

Виян лийже каныш! Виян лий, поход!

Иктат таза спорт деч шеҥгек ынже код!

Кажне айдемын эн кугу поянлыкше — тиде ТАЗАЛЫК! Таза, пеҥгыде да виян лияш СПОРТ полша. Физкультур пайдале, а весела физкультур — кок пачаш. «Таза лий!» — тыге маналтын мемнан книгагудышто эртыше спорт да тазалык пайрем. Пайремын изи участникышт вашла шке вийыштым, писылыкыштым, чулымлыкыштым тергеныт, спорт дене кылдалтше йодыш-влаклан вашмутым кычалыныт, туштым туштеныт.

Тӱрлӧ конкурс-шамычат йоча-влаклан моткоч келшен! Сеҥалтше лийын огыл! Кажне участник шкенжым шке сеҥен, а тидыже эн тӱҥ! 

Шерге йолташна-влак!

Кумылан-влакым «Мый йӧратем родной элемым» V-ше Регион кокласе лудмо конкурсыш ушнаш пагален ӱжына. Тудо  Марий Эл Республикын 100 ияш лӱмгечыжлан пӧлеклалтеш.

Тенийсе неле эпидемиологический обстановкылан кӧра конкурс дистанционный форматыште эрта. Ме тендам Марий кундемлан пӧлеклалтше поэтический произведенийым видеороликыш возен, мемнан увертарыме конкурсышкына колташ йодына. Почеламут-влак рушлат, марлат лийын кертыт.

Конкурс кум тӱрлӧ ийготан категорий дене эрта:

• 1-4 класс-влак;
• 5-8 класс-влак;
• кугырак классла ден студент-влак.

Конкурсын участникше лийын кертыт: общеобразовательный учрежденийлаште тунемше-влак, профессиональный образовательный учреждений ден кӱшыл тунемме  заведенийласе студент-шамыч.

25 октябрь марте йодмаш формым возаш да пашам  тыгай адресан сайтыш колташ: rdub_kp@mail.ru

Конкурс нерген тичмашрак  Конкурсын пложенийыштыже

 Конкурсышто участвоватлаш книгагудысо сайтыште регистрацийым эртыман.

Пашада ушныжо!