Loading ...
Марий Эл Республикын 100 ияш лӱмгечыж вашеш лудшо-влаклан ме шочмо кундемын историйже, тӱвыраже, марий калыкын илыш-йӱлаж нерген каласкалыше литературым темлена.
Книгагудын паша жапше
5 Клм 2020
Пагалыме лудшо-влак!
Санитарно-эпидемиологический ситуацийын нелеммыжлан кӧра Марий Эл Республик Вуйлатышын 2020 ий 16 октябрьысе «О внесении изменений в указ Главы Республики Марий Эл от 17 марта 2020 года №39″ Кӱштыкшӧ почеш да Федерал службын кӱштымыж почеш тӱшкан погынымо мероприятийым эртараш ик жаплан чарыме. Книгагудысо чыла мероприятий-влак онлайн йӧн дене эрташ тӱҥалыт.‼Книгагудыш лачак маске але распиратор да перчаткым чиен гына пураш лиеш.
‼Температурым висымаш да кидым дезинфектор дене обрабатыватлымаш книгагудыш пурымо годым обязательный лийшаш.
‼Ме тыгак 65 ияш деч кугырак ийготан лудшо-влакым книгагудыш толмо деч ик жаплан кучалташ темлена.
Паша график: 9.00 гыч 18.00 шагат марте шочмо гыч изарня марте, кугарня да рушарня: 9.00 -16.00. Шуматкече — каныш.Аралыза шкендам да таза лийза!
«Тиде мландыште илыме шуэш»
4 Клм 2020
Марий Эл – тыге маныт марий-влак шке шочмо-кушмо кундемыштым.
Марий мланде чодыра да олык, эҥер да ер-влак дене поян. Кожлан моторлыкшым ончет — ончен от тем, памашын вӱдшым подылат — йӱын от тем, а пасу поянлык кинде да пакча-саска дене темын. Чодыра да олык коклаште ола ден ялла-влак верланеныт. Ял гыч ялыш, ола гыч олаш корно ден йолгорно-влак шуйналтыныт. Нуно мемнам ончыко, марий кундемнан сӧраллыкшым ончаш ӱжыт.
Марий кундемнан историйжат поян, тӱвыражат сылне, тыште кумдан палыме ятыр еҥ шочын. Марий калыкна ятыр ийла гоч шке йылмыжым, мурыжым, мотор тӱржым, юмынйӱлажым арален толын.
А те шке шочмо мландыдан историйжым, йӱлажым, тӱвыражым паледа мо? Тидланже ме тендам «Тиде мландыште илыме шуэш» этнографическо-познавательный модышыш ушнаш ӱжына.
«Родария — йомак эл»
29 Шыж 2020
Итальян йомакче Джанни Родарин шочмыжлан тений 100 ий. Тудын лӱмжӧ ятыр тукымлан тӱнямбал мучко палыме. Родарин произведенийже-влак илышым йӧратыше, весела мыскаран улыт.
Чиполлино нерген йомак-влакым возышо писатель Джанни Родари неле, но пиалан илышым илен, молан манаш гын йӧратыме пашажым ӱмыр мучко шуктен — йоча-влаклан возен. Тудын «Приключения Чиполлино», «Джельсомино в стране лжецов», «Приключения Голубой Стрелы» произведенийже-влак – йоча литератур классик радамыш пурат.
Писательын юбилейжылан «Родария — йомак эл» викториным темлена.
Сеҥыше-влакым пӧлек вуча!
Викторинам иктешлена.
«Мый руш улам, мый Российыште илем»
25 Шыж 2020
Руш да тӱнямбал сылнымутыш кугу надырым пыштыше кумдан палыме писатель Иван Алексеевич Бунинын шочмыжлан 150 ий темын.
Мемнан книгагудын фондыштыжо писательын илыш да творческий корныж нерген литератур, тыгак тудын тӱрлӧ ийлаште лекше книгаже-влак ятыр уло. Иван Бунинын 150 ияш лӱмгечыжлан ме тыланда «Мый руш улам, мый Российыште илем» виртуальный книжно-иллюстративный ончер — портретым темлена. Те писательын ондак возымо нужна дворян-влак нерген ойлымаш-влакшым, 1905 ийысе революций деч вара серыме руш мландын пӱрымашыж нерген каласкалыше да тунамсе илышын пӧрдемже нерген произведенийже-влакым муын кертыда.
«Ошмаште — йомак фантазий»
22 Шыж 2020
Кумда Евразий континентыште илыше финно-угор калык-влак тӱня цивилизацийым вияҥдымаште кугу надырым пыштеныт. Нунын пӱртӱс гоч почын пуымо чон поянлыкышт тӱнямбал тӱвыраште шукертак шке верыштым муыныт. Но кеч-могай калыкынат тӱвыражым историй гоч веле огыл, тудын йомак чондайже гочат палаш лиеш. Вет нуно, йомак-влак, тӱвыра ойыртемым ончыктат, мом-гынат мыланна туныктен ойлат.
Родо-тукым финн-угор калык-влак кечым иктешлен, ме тыланда ошма сӱрет полшымо дене мансий да нганасан калык-влак йомакым ончаш да колышташ темлена.
«Прозын мастарже»
22 Шыж 2020
2020 ий 20 октябрьыште Марий Эл Республикын калык писательже Мария Каликаевна Илибаеван шочмыжлан 70 ий темын. Тудо ош тӱня гыч шукерте огыл, 2020 ий 23 августышто, каен.
Мария Каликаевна Россий писатель ушемын еҥже, Марий Эл Республикын сулло пашаеҥже, Эстон родо-тукым калык-влак программын сылнымут премийжын лауреатше.
Уста марий прозаикым шарнен, книгагудо пашаеҥ-влак «Прозын мастарже» виртуальный книжно-иллюстративный ончерым ямдыленыт. Ме тыланда Мария Каликаевна Илибаеван илыш да творческий корныж дене палыме лияш темлена.
