Йолташ-влак! Тений Вильгельм Гриммын шочмыжлан 235 ий темеш. Тудо — изак-шоляк йомакче, ученый-филолог Гриммыт гыч иктыже. Нуно коктынат Германийын калык тӱвыражым пойдарымаште чот тыршеныт.

Ме тендам «Изак-шоляк Гриммытын йомак элышт» сылнымут онлайн-викторинышке  ушнаш ӱжына. Тидланже тендан шинчымашда гына огыл, тыгак изак-шолякмытын илыш-корныштым кӱлеш лийыт. 

Живописьым йӧратыше-влаклан Илья Ефимович Репинын сылнылык тӱняшкыже арт-путешествийым ышташ ӱжына. Кугу руш сӱретче кумда илыш корным эртен да пытартыш кечыж марте кистычкыж дене пырля лийын. Тудын радынаже-влак илышым йӧратыше кумылан улыт: «Бурлаки на Волге», «Иван Грозный и сын его Иван», «Царевна Софья», «Запорожцы пишут письмо турецкому султану», «Не ждали» да тулеч моло. Ме тендам сӱретчын радынаже-влакым уэш ончалаш да оҥай факт-влакым пален налаш ӱжына.

2020 ий 21 декабрьыште Российысе кугыжаныш йоча книгагудо  Эдуард Успенский лӱмеш «Кугу йомак» сылнымут премийын лауреатше-влакым палемден.

Эдуард Успенский лӱмеш «Кугу йомак» премий 2020 ийыште  12 ияш марте ийготан йоча-влаклан возымо произведенийын авторыштым палемдаш ышталтын. Кӱкшӧ качестван сылнымут да научно-популярный произведений-влак литературым йӧраташ, йочам лудаш кумылаҥдаш возалтыт.  Премийым  Российысе кугыжаныш йоча книгагудо,  «Лудшым куштена» лӱман Тӱвыра, сымыктыш да просвещений ассоциаций РФ Тӱвыра министерствын полшымыж дене ыштыме.  Жюри еҥ-влак: писатель Андрей Усачев (председатель), композитор, РФ-н сулло пашаеҥже  Григорий Гладков, актер, театральный режиссер,  РФ-ын калык артистше Александр Левенбук, литературный критик, Корней Чуковский лӱмеш музей-пӧртын научный сотрудникше, «Новый мир» журналын поэзий пӧлкажым вуйлатыше Павел Крючков, йоча писатель-влак Михаил Мокиенко, Анастасия Орлова да Марина Потоцкая. Премийын кураторжо – йоча писатель Михаил Першин.

«Йомак» номинацийыште сеҥыше-влак:

Пагалыме лудшо-влак!

Тӱткӧ лийза,

14 декабрь гыч вес ийлан регистраций тӱҥалын.

Ушештарена, книгагудыш возалташ да регистрацийым эрташ ачан але аван паспортшо дене (копийжымат лиеш) икымше пачашсе учет секторыш толман.  Лудшын билет акше – 20 теҥге.

Шуко шочшан еш да начар тазалыкан йоча-влак регистрацийым яра налыт (кӱлеш документым ончыктыман).

Марий тиште кече — марий сылнымут дене палыме лияш сай амал. Мемнан книгагудын пашаеҥышт-влак «Кугезын йылмыже шерге мыланна» историй калейдоскопым ямдыленыт. Тудо акрет годсо марий возыктыш, икымше марла книга, кызытсе марий йылмылан кугу надырым пыштыше шанче ден просветитель-влак нерген каласкала.

Татьяна Вячеславовна Иштрикова — поэтесса, кусарыше, журналист, педагог, О. Ипай лӱмеш Марий комсомол премийын лауреатше, СССР писатель ушем еҥ. Йоча годсо жап гычак  инвалид коляскыште шинчыше ӱдыр шинчымашым налаш тыршен да шонымашкыже шуын. 2001 ий 21 февральыште Татьяна Иштрикова тиде тӱням коден каен. Но тудын ыштыме гимназийже, возымо книгаже, почеламутшо,  пьесыже, йомакше, сӱретше-влак, илышым йӧратымыже, Канде кайык нерген шонымашыже эрелан кодыныт.

Ме тыланда «Тӱрлӧ тӱсан муро» литературный караокем ончаш темлена. Тудо  поэтесса Татьяна Вячеславовна Иштрикован шочмыжлан 60 ий темме лӱмеш ышталтын.

Тыгай корныла дене тӱҥалеш Сергей Григорьевич Чавайнын «Ото» почеламутшо. Тудо марий сылнымутлан негызым пыштыше икымше произведений.

Почеламут 1905 ийыште возалтын, а икымше гана 1920 ийыште «Йошкар кече» газетеш савыкталтын. Тиде кӱчык да проста почеламутышто авторын шочмо эл, шочмо калык деке кугу йӧратымаш шыҥдаралтын. Сергей Чавайнын «Ото» почеламутшо 45 йылмыш кусаралтын да кажне йылмыж денат ик семынак сӧралын йоҥга.

Ме тыланда «Ик тымык ото уло…» лӱман видеороликым ончаш темлена. Те  почеламутым  марий, руш, татар, финн, чуваш, немыч да англичан йылмыла дене колышт кертыда.

Тений тиде почеламутын шочмыжлан 115 ий темын.