Видео-калейдоскоп

Тыланыме ончер-шижтарымаш

2021 ийыште самырык-влаклан ыштыме «Живая классика» Международный конкурс  10-шо гана эрта. Тиде кугу проект кушкын толшо тукымым книга лудаш таратыме амал дене, руш йылмым утларак палаш да аралаш кӱлӧ кумыл дене да руш йылман йоча интеллектуал ушемым ыштыме шонымаш дене чоҥалтын.

Конкурсын участникше-влак сцене гоч йӧратыме  прозаический произведенийым рушла лудыт. Кажне ийын конкурсышко Российысе 85 регион да тӱнясе 80 эл гыч 2 миллион утла йоча ушна.

 «Живая классика» конкурсын участникше-влаклан.

А тый конкурсыш ушнынет? Тугеже тӱткынрак конкурсын материалжым ончал да пашалан пиж веле.

САМЫРЫК-ВЛАКЫН РОССИЙ КӰКШЫТАН «ЖИВАЯ КЛАССИКА» ЛУДМО КОНКУРСЫН ПОЛОЖЕНИЙЖЕ 2021 ий.docx

Темлыме  литератур список 2020-2021

Мемнан республикын шӱдӧ ияш лӱмгечыжлан пӧлеклалтше книга ончер-влак дене палдарымаш умбакыже шуйна. Кундемнан сылнымутшо гоч  ме лудшо-влакым у лӱм-влак дене палдарена, марий литературын классикше-шамычым лудаш темлена.

Теве кызытат краеведений да периодика пӧлемыште «Шочмо кундемна — почеламут да прозышто» книжно-иллюстративный ончер почылтын. Тушто тӱрлӧ ийлаште, тӱрлӧ автор-влакын, классик Сергей Григорьевич Чавайн гычак тӱҥалын, поэзийышт ден прозыштым чумырымо.  Нуно чыланат шочмо кундем да тудын еҥже-влак деке йӧратымаш кумылым почын пуат. Ончер гоч лудшо -влак пӱртӱс моторлыкым шижыт, воктен улшо талантан да пагалыме айдеме-влак нерген пален налыт.

Книга шӧрлык воктене вашлиймешке!

«Вучо мыйым» — Кугу Отечественный сар годым  тиде почеламутын корнылажым кид дене возен, совет солдат ден офицер-влак икте-весыштлан пуэденыт. Константин Симонов тудым 1941 ийыште Могилёв ола воктен колымаш гыч утаралтме деч вара возен. Тудын фронтовой почеламут, очерк ден пьесыже-влак совет воин-влаклан кредалмаше, а нунын ешыштлан шерге айдемым сар гыч вучен шукташ вийым ешареныт. Поэт, прозаик, публицист, сценарист, Социалистический Паша Герой Константин Михайлович Симоновын шочмыжлан 105 ий темме вашеш  «Шке жапын еҥже» книжно-иллюстративный ончер-портретым вераҥдыме.

Кугу Отечественный сарын Сеҥымашыже мыланна кугу ак дене толын. Садлан тидын нерген шарнымаш кажне гана чотрак да келгырак лийшаш.

Ноябрь тылзе тӱҥалтыште 1-6 класслам обслуживатлыше залыште «Москва гыч Берлин марте»  книжно-иллюстративный ончер ышталтын. Тудо кок датылан пӧлеклалтын — Москвасе Йошкар площадьыште эртаралтше военный парад (1941) да 28 панфиловецын подвигыштлан (16 ноябрь 1941 ий).

Ончерыште улшо книга-влак кугу кредалмаш-шамыч нерген, героизм, партизан отряд, кӧ тугай Александр Матросов да шуко моло нергенат каласкалат.

Ончерыште «Поклон победителям», «Классная классика», «История нашей родины в рассказах и картинках» серийла гыч книга-влакым ужаш лиеш. Йоча-влаклан поснак «Военное детство» серий гыч савыктыш-шамыч келшат: Л.Кассильын «Федя из подплава», Н.Кравцован «Ночные ведьмы»,  А.Родимцевын  «Машенька из мышеловки»,  Ю.Яковлевын «Друг капитана Гастелло» да молат .

Книгагудыш пагален ӱжына!

Ынде визымше ий Марий Элын шочмо кечыж вашеш  мемнан книгагудышто  Республиканский лудмо конкурс эртаралтеш. Тений тудо «Мый йӧратем родной элемым» маналтын да Марий Эл Республикын шочмыжлан 100 ияш лӱмгечыжлан пӧлеклалтын.

Юбилей конкурс дистанционном форматыште лийын, садлан тудо республиканский гыч регион кокласе конкурс марте кушкын.

Конкурс кок номинаций дене эртен: «Марий йылме дене поэтический произведений» да «Руш йылме дене поэтический произведений». Кажне номинацийыште кум ийгот категорий лийын. Жюри 421 пашам аклен. Нуно Марий Эл,  Татарстан Республик да Моско областьла гыч лийыныт. Школлаште, профессиональный шанче тӧнежлаште тунемше, вузласе студент-влак видеоролик полшымо дене шке лудмыштым аклаш колтеныт. Нуно марий поэт-влакын шочмо кундемлан пӧлеклалтше почеламутыштым каласкаленыт, икмынярже шке возымо почеламутымат лудын.

Лудшо-влакым тиде Жюри аклен:

Петров Эрик Алексеевич – прозаик, журналист, Россий писатель ушем член,  («Марий йылме дене поэтический произведений» номинацийым вуйлатыше)

Смирнов Геннадий Николаевич – поэт, Россий писатель ушем член, («Руш йылме дене поэтический произведений» номинацийым вуйлатыше).

Егошина Алина Николаевна – Марий Эл Республикын сулло артисткыже.

Иванова Елена Юрьевна – «Ямде лий» газетын журналистше.

Кулалаева Жанна Васильевна – йоча поэтесса, «Стихологово на Кокшаге» сылнымут клубын вуйлатышыже.

А теве сеҥыше-влакын лӱмышт: