Кугу Отечественный сарын Сеҥымашыже мыланна кугу ак дене толын. Садлан тидын нерген шарнымаш кажне гана чотрак да келгырак лийшаш.

Ноябрь тылзе тӱҥалтыште 1-6 класслам обслуживатлыше залыште «Москва гыч Берлин марте»  книжно-иллюстративный ончер ышталтын. Тудо кок датылан пӧлеклалтын — Москвасе Йошкар площадьыште эртаралтше военный парад (1941) да 28 панфиловецын подвигыштлан (16 ноябрь 1941 ий).

Ончерыште улшо книга-влак кугу кредалмаш-шамыч нерген, героизм, партизан отряд, кӧ тугай Александр Матросов да шуко моло нергенат каласкалат.

Ончерыште «Поклон победителям», «Классная классика», «История нашей родины в рассказах и картинках» серийла гыч книга-влакым ужаш лиеш. Йоча-влаклан поснак «Военное детство» серий гыч савыктыш-шамыч келшат: Л.Кассильын «Федя из подплава», Н.Кравцован «Ночные ведьмы»,  А.Родимцевын  «Машенька из мышеловки»,  Ю.Яковлевын «Друг капитана Гастелло» да молат .

Книгагудыш пагален ӱжына!

Ынде визымше ий Марий Элын шочмо кечыж вашеш  мемнан книгагудышто  Республиканский лудмо конкурс эртаралтеш. Тений тудо «Мый йӧратем родной элемым» маналтын да Марий Эл Республикын шочмыжлан 100 ияш лӱмгечыжлан пӧлеклалтын.

Юбилей конкурс дистанционном форматыште лийын, садлан тудо республиканский гыч регион кокласе конкурс марте кушкын.

Конкурс кок номинаций дене эртен: «Марий йылме дене поэтический произведений» да «Руш йылме дене поэтический произведений». Кажне номинацийыште кум ийгот категорий лийын. Жюри 421 пашам аклен. Нуно Марий Эл,  Татарстан Республик да Моско областьла гыч лийыныт. Школлаште, профессиональный шанче тӧнежлаште тунемше, вузласе студент-влак видеоролик полшымо дене шке лудмыштым аклаш колтеныт. Нуно марий поэт-влакын шочмо кундемлан пӧлеклалтше почеламутыштым каласкаленыт, икмынярже шке возымо почеламутымат лудын.

Лудшо-влакым тиде Жюри аклен:

Петров Эрик Алексеевич – прозаик, журналист, Россий писатель ушем член,  («Марий йылме дене поэтический произведений» номинацийым вуйлатыше)

Смирнов Геннадий Николаевич – поэт, Россий писатель ушем член, («Руш йылме дене поэтический произведений» номинацийым вуйлатыше).

Егошина Алина Николаевна – Марий Эл Республикын сулло артисткыже.

Иванова Елена Юрьевна – «Ямде лий» газетын журналистше.

Кулалаева Жанна Васильевна – йоча поэтесса, «Стихологово на Кокшаге» сылнымут клубын вуйлатышыже.

А теве сеҥыше-влакын лӱмышт:

Марий Эл Республиклан — 100 ий. Тиде чапле лӱмгече вашеш Марий Элысе книгагудо пашаеҥ-влакым краеведческий акцийыш ушнаш ӱжына да шочмо мландына мо дене кугешна — каласкалаш йодына.  Таче ме ик тыгай паша дене тендам палдарена.

Россий кундем! Чонлан лишыл тиде мутым колмеке, ме шке ончылнына шуко мом ужына… Кумда степь, чодыра да олык? Уке… Мланде кӧргысӧ поянлык? Уке… Ала еҥ-влак? Да, еҥ-влак! Мемнан элыште илыше тӱрлӧ калык-влак! Акрет годсо жап гыч толшо кугезе тукымжын чон поянлыкшым арален толшо калыкше-влак! Пайрем, илыш-йӱла, кидмастар паша — чыла тидым Кугу Элна, Россий, таче мартеат переген арала. Садлан 4 ноябрь Российысе чыла калыкланат — пайрем, Калык-влакын икоян улмо кечыже.

Тиде пайрем вашеш ме тыланда «Российысе калык-влакын илыш-йӱлаже» книжно-иллюстративный ончерым темлена. 1-6 класслаште тунемше-влак мемнан элысе тӱрлӧ калык-влакын илыш-йӱлашт нерген каласкалыше энциклопедий-шамыч дене палыме лийыт. Историйым шымлен гына, вес тукымлан ме тӱвыра поянлыкнам коден кертына.

                                                                               Книгагудыш пагален ӱжына! 

Пагалыме лудшо-влак!

 Санитарно-эпидемиологический ситуацийын нелеммыжлан кӧра Марий Эл Республик Вуйлатышын 2020 ий 16 октябрьысе «О внесении изменений в указ Главы Республики Марий Эл от 17 марта 2020 года №39″  Кӱштыкшӧ почеш да Федерал службын кӱштымыж почеш тӱшкан погынымо мероприятийым эртараш ик жаплан чарыме. Книгагудысо чыла мероприятий-влак онлайн йӧн дене эрташ тӱҥалыт.
‼Книгагудыш лачак маске але распиратор да перчаткым чиен гына пураш лиеш.
‼Температурым висымаш да кидым дезинфектор дене обрабатыватлымаш книгагудыш пурымо годым   обязательный лийшаш.
‼Ме тыгак 65 ияш деч кугырак ийготан лудшо-влакым книгагудыш толмо деч ик жаплан кучалташ темлена.
Паша график: 9.00 гыч 18.00 шагат марте шочмо гыч изарня марте, кугарня да рушарня: 9.00 -16.00. Шуматкече — каныш.

Марий Эл – тыге маныт марий-влак шке шочмо-кушмо кундемыштым.

Марий мланде чодыра да олык, эҥер да ер-влак дене поян. Кожлан моторлыкшым ончет — ончен от тем, памашын вӱдшым подылат — йӱын от тем, а пасу поянлык кинде да пакча-саска дене темын. Чодыра да олык коклаште ола ден ялла-влак верланеныт. Ял гыч ялыш, ола гыч олаш корно ден йолгорно-влак шуйналтыныт. Нуно мемнам ончыко, марий кундемнан сӧраллыкшым ончаш ӱжыт.

Марий кундемнан историйжат поян, тӱвыражат сылне, тыште кумдан палыме ятыр еҥ шочын. Марий калыкна ятыр ийла гоч шке йылмыжым, мурыжым, мотор тӱржым, юмынйӱлажым арален толын.

 А те шке шочмо мландыдан историйжым, йӱлажым, тӱвыражым паледа мо? Тидланже ме тендам «Тиде мландыште илыме шуэш» этнографическо-познавательный модышыш ушнаш ӱжына.