18 январь гыч книгагудо тыглай паша радамыш кусна. Шочмо — изарня  9.00 гыч 18.00 шагат марте, кугарнян да рушарнян 9.00 гыч 16.00 шагат марте, шуматкече – каныш. Тылзын кажне вӱргечыже — санитар кече.

Ушештарена, книгам шуяш книгагудын сайтыште улшо «Продлить книгу»  («Книгам шуяш») сервис гоч лиеш, тидымак книгагудын Vk социальный сетьысе группышто але 34-15-12 телефон дене ышташ лиеш.

Тыланда йӧнан лийже манын, «Предварительный заказ книг» «Книгам налаш очылгоч йодмаш» сервис 34-15-12 телефон дене пашам ышта.

25 январьыште куанле пайрем  —  Студент кече але Тачанан пайремже — палемдалтеш. Тудо Российыште официальный пайрем да православный календарьыште посна кече семын ончыкталтеш. Тиде пайрем ожнысо Шнуй Тачана Римский лӱмеш ышталтын.

Ме тыланда тиде пайремлан пӧлеклалтше кроссвордым решатлаш темлена.

 Иван Алексеевич Бунинын творчествыжым кажне у тукым  шканже келшыше шӧрын гыч почеш. И. Бунин шке произведенийлаштыже айдеме тукымым курымла дене шонкалаш таратыше сюжетла дене сымыстарен, тудын почеламутшо, ойлымашыже, повестьше-влак тӱнямбал классиклан шотлалтыт.

21 январьыште  Йошкар-Оласе аграрный колледжын студентше-влак «Мутым сӱретлыше» лӱман сылнымут гостиныйыш чумыргеныт ыле.   Тудо поэт да писатель И. А. Бунинлан пӧлеклалтын. Тунемше-влак икымше руш писатель, Нобелев лӱмеш премий дене палемдалтше Бунинын илыш да творческий корныж дене палыме лийыныт.

85 ий ожно 1936 ий 3 январьыште палыме руш поэт Николай Михайлович Рубцов шочын, а 50 ий ончыч 1971 ий 19 январьыште трагически колен… Николай Рубцовым шарныме кечын кугыжаныш да муниципал служба колледжын студентше-влак «Николай Рубцов: пӱрымаш да муро-влак» музыкально-поэтический  рандевушко погыненыт. Поэтын поэзийжым да биографийжым Сергей Есенинын  творческий пӱрымашыж дене таҥастарат. Тыгаяк кӱчык, трагически кӱрылтшӧ илыш. Тыгаяк чонеш логалше, лиризм шӱлышан почеламут-влак.  Тудын произведенийже-влак кызытат калык коклаште илат. Нунын дене пырля воштылыт да шортыт. Нуным йӧратат да мурат. 

Айдемын илыш шӧрынжым сайын умылен моштымыжлан, тидымак сылнымут гоч  келгын да чын ончыктен кертмыжлан Герман Пироговым «Шып философийын поэтше» маншат лийын. Ятыр кугу проектын авторжо илышым эреак кугу тӱняончалтыш дене эскера. Тудын лывырге кумылан лирикыже тачысе пӱсӧ гражданский корнан лирика дене пырля ошкылеш.